Home Notisia Eskola Total 11 Mak Hetan Afeta Hosi Inundasaun

Eskola Total 11 Mak Hetan Afeta Hosi Inundasaun

331
0
Diretor Nasional Asaun Sosial Eskolar Belchior M. Almeida Guerra. [Foto: Santina Lucia da Costa | 17.03.2020]

Reportazen Santina Lucia da Costa

Inundasaun ne’ebe akontese hamosu problema boot laos deit ba uma komunidade nian, maibe fatin aprendizajen sira mos afetadu hotu, no sei fo impaktu la diak ba estudante sira atu kontinua sira nia estudu.

Diretor Nasional Asaun Sosial Eskolar Belchior M. Almeida Guerra informa ba jornalista sira katak aprezenta ona dadus katak eskola publiku total 9, eskola internasional 1 no eskola fundasaun 1.

“Husi eskola 11, ita hatene katak eskola Portugesa iha Dili hetan orsamentu mai husi Portugeza, maibé ita mós labele husik de’it, Ministeriu Edukasaun mós hanoin atu tau orsamentu iha ne’eba, para atu ajuda eskola Portugeza ne’e, hodi nune’e sira bele rekonstrui fali sira nia sekola ne’e. Kuaze material barak mak sira lakon, tuir informasaun husi responsavel eskola Portugeza Dili hateten minimu sira lakon ona material barak ho montante osan mais menus $1 milliaun”, esplika Diretor Nasional Asaun Sosial Eskolar, iha salaun Administrsaun Estatal, 17/03.

Diretor Belchior esplika Eskola Portugeza Sira primeiru afeita tanba mota nakfera tama liu kedas sira nia eskola, depois liu ba komunidade sira, tanba sira mak hetan afetadu boot. Eskola Sekundariu 5 de Maiu tanba eskola besik kedas mota, sala 3 la aproveita.

Ih Hera Eskola Ensinu Baziku mos afetadu, uma nakfera  no aula 12 mak nakonu ho tahu, no agora dadauk escavator ida iha ne’eba, servisu ekipa sira ho inan-aman sira ajuda malu.

Eskola 4 Septembru mós afeta bee sae makaas no fim inan-aman sira koopera ajuda eskola fase móos tiha ona. Hosi eskola total 11, eskola 4 Septemnru mak hahu ona sira nia prosesu aprendizajen.

Belchior informa katak husi Ministeriu Edukasaun hanoin atu apoiu orsamentu, agora dadaun prepara hela proposta ba eskola 11 ne’e, “maibé Ministeriu agora lao hela orsamentu doudesimu, maibé kontinua esforsu-an, husi eskola 11, ami fokus liu mak eskola 5, hanesan eskola 5 de Maiu,  eskola Hera, eskola Portugeza ho eskola ida iha Kamea Rai-Hun, no ida seluk iha EBF Kasnafar mota Comoro  nian ne’e, mais menus $ 1 milliaun para hato’o ba parte finansas sentral hodi bele ajuda.

LEAVE A REPLY

Please enter your comment!
Please enter your name here