Home Notisia MAE Realiza Enkontru, Hodi Hare Planu Rekooperasaun Ba Vitima Inundasaun

MAE Realiza Enkontru, Hodi Hare Planu Rekooperasaun Ba Vitima Inundasaun

237
0
MAE realiza enkontru ho autoridade lokal sira. [Foto: Santina Lucia da Costa | 17.03.2020]

Reportazen Santina Lucia da Costa

Komunidade sira ne’ebe afetadu hosi udan boot iha semana kotuk, governu liu hosi Ministeriu Administrasaun Estatal, organiza enkontru ho autoridade local sira, hodi bele responde ba problema ne’ebe komunidade afetadu sira hetan.

Vice Ministru Administrasaun Estatal, Abilio Jose Caetano esplika ba jornalista sira katak liu hosi enkontru ne’e, hodi foti desizaun ne’ebe unidade mak hanesan kontinua halo planu rekooperasaun ba maluk sira ne’ebe afetadu, ne’ebe hetan uma estragus. Segundu desizaun hodi submete ba governu, hodi fó orsamentu ruma tanba agora ai-han menus. Terseiru mak laos dezastre naturais iha 13 Marsu iha Dili de’it, maibé ba Munisipiu sira seluk ne’ebé hetan afetadu, uma estragus tanba dezastre nasturais maibé ate agora seidauk hetan rekooperasaun inklui mós emerjensia ba maluk sira ne’ebé sira nia uma estragus iha munisipiu sira seluk.

Vice-Ministru Estatal, konvida administradór Postu na’in 4, Autóridade Munisipal Dili ho Xefe Suku sira para fo ideias ruma, oinsa iha futuru labele akontese tan dezastre.

“Xefe Suku sira mós ohin husu propoin ba Governu, para tenke halo manutensaun rutinus ba valeta sira, esgotus sira iha sidade Dili laran, halo oinsa mota sira iha Dili, antes udan tun ne’e tenke normaliza, depois governu mós husu ba maluk sira ne’ebé mak agora hela iha mota ninin, se bele tenke ses-aan husi mota ninin ne’e, maluk balun halo uma iha valeta ninin, valeta leten ne’e tenki normaliza hotu”, hateten Vice Administrasaun Estatal iha salaun administrasaun Kaikoli, 17/03.

Vice Abilio dehan tenke fo tempu ba komunidade sira buka rai no fatin seluk para hela, para valeta bele livre, para bee mai mós sulin tuir nia dalan ba liu tasi, plastiku, ai-pedasuk, ida ne’e mós impede halo bee la halais tuir nia dalan. To’o tempu para voluntariamente sira tenke sai.

Valor orsamentu ba inundasaun refere seidauk iha, tanba sei  hein dadus ne’ebe akumula mak foin bele fahe ba uma ne’ebé mak aat no tuir matadalan ne’ebe mak iha.

Enkontru refere orientasaun hosi Konsellu Ministru,  ho nune Vice-Ministru Administrasaun Estatal halo enkontru ho Unidade Jestaun Rekursu Humanus no Protesaun Sivil, tuir despaixu Primeiru Ministru, Vice-Ministru Administrasaun Estatal mak lidera, hamutuk ho Ministra Solidariedade Sosial, Ministru Interior, Komandante Jeral PNTL, Xefe Estadu Maijor Forsas Armadas ho Nivel Diretór jeral balun ne’ebé iha relasaun serbisu ba dezastre naturais no protesaun sivil.

LEAVE A REPLY

Please enter your comment!
Please enter your name here