Home Notisia SEFOPE Entrega Formandu Nain 10 Ne’ebe Tuir Formasaun Iha Bali Ba Novo...

SEFOPE Entrega Formandu Nain 10 Ne’ebe Tuir Formasaun Iha Bali Ba Novo Turizmo

287
0
Formandu sira ho SEFOPE, FDCH no kompania Novo Turizmo. [Foto: Adalgisa Pereira | 22.09.2020]

Reportazen Adalgisa Pereira

Sekretáriu Estadu Pormasaun profisionál no Empregu (SEFOPE) entrega formandu, ne’ebe tuir ona formasaun hodi hetan esperensia servisu iha  Poltekpar Bali-Indonesia durante fulan neen, hamutuk na’in 10, feto neen no mane nain haat ba otel Novo Turismu.

Diretór Nasionál Formasaun Profisioanal, Mateus dos Santos Talo iha nia entrevista hateten, politika formasaun profesional nian liu husi Diresaun Nasional Profisional, Departamentu Estájio Nasionál, kada  tinan sempre fornese graduadu sira ba iha fatin serbisu industria no setor privadu sira hanesan Novo Turismu maibe iha kriteria.

“Ami bele simu graduadu sira maibe ita boot sira halo kompleta lai kriteriu sira, hasae nia skiil iha Bali entau ita servisu hamutuk ami tau planu orsamentu liu husi fundu desenvolvimentu capital umanu, ami halo rekrutamentu no kriteria estabelese husi Novo Turismo no ami haruka sira ba iha fulan November”, dehan  Diretór Nasionál Formasaun Profisioanal Mateus Dos Santos Talo ba jornalista iha salaun SEFOPE Kaikoli loron Tersa 22/09.

Nia Formadu sira nee entrega direita ba Novo Turismo, tamba iha asina memorandu entendementu (MOU) ne’e rasik hakerek katak benifisiariu nain 10 ne’e, bainhira remata sira nia formasaun, sei entrega ba otel Novo Turismo. Ba programa refere SEFOPE aloka orsamentu hamutuk $53 mill.

Iha fatin hanesan formandu Dominika Elisabeth Hermes Soares hatoo agredese ba SEFOPE no nia ekipa Fundo de Desenvolvimento do Capital Humano (FDCH) no Novo Turismo, Poltekpar Bali ne’ebe mak kolabora hamutuk no fo oportunida ba formandu nain 10, hodi partisipa iha formasaun buka esperensia servisu iha Bali.

“Ami mos hakarak aprezenta esperensia no matenek ne’ebe mak ami hetan durante partisipa iha formasaun Proktek bar Bali espesifikamente fahe ba departamentu  4 iha treinamentu nee, sai hanesan matadalan ba ami formadu hodi bele aprende konesimentu abilidade skiil no atituide ne’ebe ma kami hetan iha trinamentu nee hodi ami bele aplika iha industria neebe mak ami sei servisu ba”dehan formandu Dominika Elisabeth Hermes Soares iha salaun SEFOPE Kaikoli, 22/09.

Seremonia entrega formandu refere ne’ebe sei entrega ba otel Novo Turizmo asina hosi representante.

Formasaun esperensia servisu iha  Poltekpal,Bali Indonesia nain 10 ba ba kompaña Novo Turismu nee asina husi representante FDCH, SEFOPE no reprezentante Novo Turizmo.

Print Friendly, PDF & Email

LEAVE A REPLY

Please enter your comment!
Please enter your name here