Home Notisia MKAE–SEFOPE Fo Pose Ba Konsellu Traballu nain 10, Hadi’a Ambiente Traballu Ekonomia...

MKAE–SEFOPE Fo Pose Ba Konsellu Traballu nain 10, Hadi’a Ambiente Traballu Ekonomia TL

138
0
MKAE-SEFOPE fo pose ba konsellu traballu nain 10. [Foto: David | 11.10.2021]

Reportajen David da Costa Gusmao

Ministériu  Koordenador Asuntu Ekonomia (MKAE) ho Sekretáriu Estadu Formasaun Professionál no Empregu (SEFOPE), fó pose ba membru Konsellu Nasionál Estadu Traballu no Konsellu Arbitragen na’in-10 atu hamutuk ho governu hadi’a ekonomia Timor-Leste.

Ministru Koordenador Asuntu Ekonomia (MKAE), Joaquim Amaral hatete ohin oportunidade di’ak ida hamutuk ho Sekretariu Estadu Formasaun Profisionál  no Empregu, fó Pose ba  konselleiru sira, konsellu nasionál estadu traballu ho konsellu arbitragem  atu hamutuk ho governu buka dalan, hadi’a ambiente traballu ba ekonomia Timor.

Nia dehan tanba situasaun Covid-19, ekonómia hetan difikuldade nune’e mós estrutura konselleiru anterior sira-nia mandatu suspende tiha serbisu tinan ida, entaun presiza atu fó enerjia foun ba iha ambiente ida atu bele tulun governu hadi’a ambiente traballu nune’e permite ba iha investimentu.

“Ita-nia ekonomia rekupera, ambiente traballu mós ita hadi’a no ha’u fiar katak, ho ekipa foun ho sira-nia enerjia, ho sira-nia dinámika  ne’ebé iha, sira sei halo estratéjia ne’ebé mak di’ak atu bele fó solusaun apropriadu ba asuntu ne’ebé iha”, nia esplika.

Nia salienta apoiu konkretu hanesan governu lejizlasaun presiza  halo iha ninia kuadramentu legál  nune’e iha konfiansa ba iha autór ekonomia sira, emprezáriu no traballadôr sira hodi hatene nia direitu no mós nia obrigasaun iha ambiente traballu.

Iha fatin hanesan Prezidente Konsellu Nasionál do Traballu, Alarico do Rosario hatetn knaar todan maibé koko atu banati tuir sesante sira ne’ebé serbisu durante ne’e, la’o iha Repúblika demokrátika Timor-Leste.

Print Friendly, PDF & Email

LEAVE A REPLY

Please enter your comment!
Please enter your name here