Home Notisia MKAE: Hamenus Importasaun Husi Rai Li’ur, Presiza Hadi’a Produsaun Rai Laran

MKAE: Hamenus Importasaun Husi Rai Li’ur, Presiza Hadi’a Produsaun Rai Laran

201
0
Ministru Koordenador Asuntu Ekonomia (MKAE), Joaquim Amaral. [David | 11.10.2021]

Reportajen David da Costa Gusmao

Ministru Koordenador Asuntu Ekonomia (MKAE), Joaquim Amaral hatete atu hamenus sasán importasaun ka redús husi rai liur, Timor-Leste presiza hadi’a no hasa’e produsaun rai laran, atu nune’e  bele hamenus sasán  importasaun husi rai li’ur

“Iha ekipa sei tau atensaun ba atividade ekonomia ida ne’e,  tanba ne’e sei regula iha  lisensiamentu ne’ebé sei hasai bazea ba lisensiamentu sira nia natureza, husi ne’e mak ita foti medida, ita sei la bele duni ema, ita ko’alia merkadu tenke integra iha sistema merkadu globál, sistema komérsiu globál, se ita haree realidade ita nia importasaun sei boot ne’e signifika, ita presiza hadia, hasa’e ita-nia produsaun atu gradualmente ita bele hamenus redusaun husi rai li’ur”, dehan Ministru Joaquim, iha salaun SEFOPE Kaikoli, Segunda 11/10.

Nia haktuir atividade ne’ebé ema estranjeiru halo hanesan fa’an ai-han iha suku sira iha Dili laran, Inspetór Jerál sei ba fiskaliza haree iha level ida ne’ebe sira viola

“Ita bele dehan sufisiente nune’e ita bele kuda prodúz, ita bele han hahán rasik, ho ida fa’an hahán dosi sira ne’ebe ema estranjeiru sira faan automatikamente sei menus”, katak nia.

Governante ne’e salienta, la bele duni ema tanba sira halo atividade, se iha lisensa entaun sira sei selu impostu, taun  tenke regula buat ne’e hanesan estadu, revolta ho proporsaun, professionál tanba ko’alia merkadu ne’e la’ós merkadu Timor.

“Mundu agora iha komérsiu independente ba malu, tanba ne’e mak governu kontinua tau atensaun ba asuntu sira ne’e, maibé ita tenke rezolve ho regulamentu regras ne’ebé iha”, esplika nia.

Maibé iha futuru governu sei haree atividade saida mak bele submete ba iha estranjeiru no atividade saida maka tenke redus ona husi ema estranjeiru.

Print Friendly, PDF & Email

LEAVE A REPLY

Please enter your comment!
Please enter your name here