Home Saude Total Ema Simu Vasina, Doze Dahuluk 81% no Doze Daruak 60,2%

Total Ema Simu Vasina, Doze Dahuluk 81% no Doze Daruak 60,2%

146
0
Komisaun Interministerial ba vasina kontra Covid-19 Iha Timor-Leste. [Foto: David | 02.12.2021]

Reportajen David da Costa Gusmao

Porta Voz Komisaun Interministerial ba vasina kontra Covid-19 Iha Timor-Leste Dra. Danina Coelho deklara iha Timor-Leste  kobertura vasina dozes da-uluk ba populasaun iha Timor laran tomak, to’o mai iha horseik, atinje ona ba iha 81,3% (613,412)  no populasaun ne’ebé simu ona doze da-ruak iha ona 60,2% (454,380).

“Vasina sira ne’ebe ita simu husi nasaun parseria sira hamutuk 1.313.270 dozes vasinas.  husi vasina sira ne’ebé ita konsege implementa ona iha dia 1 Dezembru tinan ne’e, Dili laran iha ona 86,4% (184,693) ema ne’ebé simu ona doze da-uluk, no ne’ebé kompleta vasina da-ruak iha ona 76,9% (764,475)”, informa Dra. Danina, salaun MSSI Kaikoli, 02/12.

Nunee iha Timor laran ema ne’ebe  simu doze dahuluk 81,3% (613,412),  no dozes da-ruak ema simu ona 60,2% (454,380).

Dra. Daninal espera fulan Dezembru remata to’o ona trajetu ne’ebé governu hakarak vasina doze da-ruak to’o iha 80%.

Konaba vasina Pfizer, ema ne’ebe simu ona total 100,620 implementa iha Dili deit, no labarik husi idade 12 to’o 17 ne’ebe simu ona vasina doze da-uluk 81,0% (34,031)  no doze daruak iha ona 31,9% (16,145).

Nune’e governu apela ba populasaun sira ne’ebé elejivel ho idade 18 ba leten ne’ebe  simu ona vasina dozes da-uluk liu semana haat, atu kompleta dose da-ruak AstraZeneca nian atu bele redús impaktu husi moras todan mai husi Covid-19.

“Ami mós kontinua apela ba populasaun ne’ebé elijivel ho idade 18 ba leten no labarik sira idade entre 12-17  atu bele hetan vasina hodi kontra Covid-19, no bele ba tuir vasina sira ne’ebé mak ami aloka ona ba iha sentru saude sira,” hateten nia

Print Friendly, PDF & Email

LEAVE A REPLY

Please enter your comment!
Please enter your name here