Home Notisia Cidália: Feto Sira Labele Nonook, Bainhira Ema Halo Violasaun Hasoru Imi

Cidália: Feto Sira Labele Nonook, Bainhira Ema Halo Violasaun Hasoru Imi

376
0
Espoza Prezidente da Republika (PR), Cidália Nobre Guterres. [Foto: David | 20.11.2021]

Reportajen David da Costa Gusmao

Espoza  Prezidente da Republika (PR),  Cidália Nobre Guterres husu ba feto sira labele nonook bainhira ema ruma obriga ka halo violasaun ruma, tenke ko’alia sai ba parte kompetente sira hodi haree.

“Inan isin rua sira kuidadu imi nia-an, kuidadu mós  bebe ne’ebe imi iha, buat hotu sei lao tuir nia dalan. Se imi mak hakarak duni buat  ne’e ohin seluk, maibe se karik iha obriga ka ema ruma halo violensia ou violasaun ne’e, hai hanoin imi labele nonok tenke koalia sai,” Dehan espoza PR ba jornalista sira, bainhira hasoru malu grupu Vulniravel iha munisipiu Ainaro, kinta, 18/11.

Nia dehan tanba ema nia vida ne’e laos buat baibain ida para ema hodi halimar, se mak brani halo la labarik feto sira, nia tenke toma responsabilidade, nia tenke hatan tanba ema nia vida ne’e sagrada, ema ida labele viola ema nia vida.

Bainhira feto sira hasoru problema sira konaba isin rua sedu no kaben sedu ka hasoru violasaun  sira bele hato’o mai iha programa tatoli ba Cidalia ho meius karta ida.

“Feto maluk sira bainhira hasoru problema violasaun  bele halo karta mai hau nia gabainete, depois ami sei haree oinsa mak ami bele hasoru malu ho sira, ida ne’e iha hotu tia ona, soke iha tinan kotuk ami lansa tia ona maibe COVID-19 buat hotu para no espera katak agora ba oin ami bele lao fali,” nia esplika.

Print Friendly, PDF & Email

LEAVE A REPLY

Please enter your comment!
Please enter your name here