Home EduTek Sedauk Iha Biblioteka, Eskola EBC nu.15 Mundu Perdidu Kria Biblioteka Rasik no...

Sedauk Iha Biblioteka, Eskola EBC nu.15 Mundu Perdidu Kria Biblioteka Rasik no Livru Sei Menus

272
0
Biblioteka Ensino Basico Central nu.15 Mundu Perdidu. [Foto: Santina Lucia da Costa | 18.04.2021]

Reportazen Santina Lucia da Costa

Ensino Basico Central (EBC) nu.15 Mundu Perdidu, Postu Administrativu Ossu, Munisipiu Viqueque, to’o agora Ministeriu Edukasaun, Juventude no Desportu (MEJD) seidauk estabelese  biblioteka eskolar, nune’e  profesores sira iha inisiativa rasik, hodi kria biblioteka uza sala de aula, maibé livru la sufisiente atu estudante sira uza hodi lee.

Ba Neon Metin, Diretor EBC Nu.15 Mundu Perdidu Ossu, Acasio Monteiro deklara katak eskola biblioteka iha, maibé livru mak falta, tanba livru nia stock ne’e lao iha tinan 5 ka 6 ba kotuk ona livru balun aat no balun la sufisiente ba estudantes sira.

Diretor EBC Nu.15 Mundu Perdidu Ossu hatutan livru balun falta, liuliu ba estudante eskola pre sekundaria klase 3, sira atu tuir ezame nasional, horibanhira hatama tiha ona proposta ba Ministeriu Edukasaun maibé to’o agora seidauk iha resposta. Dadaun ne’e estudante sira foti livru empresta ba malu, hodi nune’e kompleta sira nia materia.

“Ami nia biblioteka ne’e sala de aula, Ministeriu Edukasaun to’o agora seidauk estabelese fo biblioteka eskolar, maibé ami no inisiativa rasik kria biblioteka uza sala de aula ida, ne’ebé material sira iha laran hanesan armari, meza, kadeira sira ajuda husi parseria Geelong High School husi Australia. Iha fulan Fevereiru tinan ne’e, Ministeriu Edukasaun mos fó armari ho livru balun”, hateten, Diretor EBC Acasio Monterio ba Neon Metin iha  EBC-Mundu Perididu, Postu Administrativu Ossu, Munisipiu Viqueque, 13/04.

Acasio Monterio informa mos kona-ba fasilidade eskola, agora dadaun eskola EBC-Mundu Perdidu natoon hela, maibé eskola filial sira hanesan EBF-Buta’o iha liu areas remotas dadaun ne’e fasilidade seidauk sufisiente para atende estudante sira.

Nia akresenta haris fatin iha EBC-Mundu Perdidu iha, maibé kondisaun labele sufisiente tanba estudantes sira iha EBC-Mundu Perdidu ne’e por volta de 700 estudantes, no bee ne’e mos dalaruma mai no dalaruma la mai, kuandu tempu bee laiha, estudantes sira ba kuru bee iha bee matan, tanba bee matan besik eskola.

Nia husu ba Ministeriu Edukasaun karik sei iha livru ruma ba estudante SMP klase 3, se bele responde lalais situasaun ida ne’e, tanba ezame besik ona, no kaderneta ba estudante primeiru siklu ho segundu siklu mos to’o agora seidauk iha.

Iha Eskola refere, iha eskola pre-eskolar, primeiru siklu, segundu siklu to’o terseiru siklu hamutuk hotu iha area ida de’it.  Eskola pre-eskolar, primeiru siklu, segundu siklu ne’e tama dader, no terseiru siklu tama lokraik.

Print Friendly, PDF & Email

LEAVE A REPLY

Please enter your comment!
Please enter your name here