Home Justisa Família Vítima Trajédia Balibó, Husu Estadu Konsidera Rekuperasaun Sosiál

Família Vítima Trajédia Balibó, Husu Estadu Konsidera Rekuperasaun Sosiál

881
0
Halo audiensia publiku ho familia vitima trajedia Balibo. [Foto: Santina | 16.10.2021]

Reportajen Santina Lucia da Costa

Audiénsia públiku ne’ebé organiza husi Centro Nasionál Chega! (CNC) ho Konsellu Imprensa (KI) hodi komemora trajédia Balibo Five ba dala-46, família vítima sira hosi trajédia hotu iha Balibo husi tinan 1975-1999, husu estadu atu konsidera rekuperasaun sosiál, nune’e bele rekupera sofrementu sosiál no psikolójika sobrevivente, no jerasaun vítima sira nian inklui husu ba entidades sira hotu atu serbí rai ida ne’e ho didi’ak atu bele kontribui lori povu sai husi mukit no nakukun.

Audiénsia públiku ida ne’e nu’udar espasu ida ba vítima sira atu bele konta no halo hikas esklaresimentu kona-ba sira nia sasin rasik relasiona ho trajédia Balibo.

Iha ámbitu audiénsia ne’e Julio de Vasconselhos dos Santos haktuir Iha tinan 1973 -1975 iha Atabae, estudante iha Atabae hamutuk ema 64, sira ne’e komandante Aquiles mak lori husi  Quelikai mai Atabae atu kontinua eskola iha Atabae, iha 1973-1975 Sarjentu Aquiles maka hanorin atu prepara rekursu umanus ba futuru, entaun lori husi Quelikai mai Atabae hamutuk ho Sarjentu Aquiles nia kaben ho nia oan atu eskola, tanba sira nia  inan-aman laiha posibilidade atu eskola.

Julio hatutan Sarjentu Aquiles mós hanorin jinástika no reza tersu, iha dadersan tuku 4 korneta lian ona, hotu-hotu hadeer ba harús, kose-nehan, atu ba formatura depois kontinua reza, no depois iha Portugal rona konflitu internu iha 25 Abríl 1984 kontinua, entaun komesa ona harii partidu barbarak, sarjentu Aquiles mós iha hanoin ida oinsá atu prepara rekursu umanus atu bele sai hanesan liña dirijerva ba ida hodi bele prepara atu defende soberania Timor-Leste. Entaun komandante husu autorizasaun ba iha alferes atu bele instrutór para bele treinu oinsá kaer kilat no tiru.

“Iha ami na’in 18 mak idade mais ou menus atu bele kaer kilat, maibé balun kilat mak liu tiha fali ema tanba ema badak no ki’ik, maibé hatene ona oinsa bele tiru atu bele defende soberania estadu.” Hateten Julio de Vasconselhos dos santos iha Balibo, 15/10.

Maski sei labarik hela maibé komesa hanoin atu defende soberania nasaun RDTL, nune’e mezmu rekursu limitadu sira evakua ba fatin ida ba fatin seluk para atu konkista reforsa hamutuk para hasoru forsa boot inimigu Indonesia ne’ebé mai husi tasi, rai maran, no lalehan, sira nia sofrementu ne’ebé mak sira enfrenta ohin loron ita goza ho di’ak.

Julio husu ba joven sira aprende nafatin para atu hatutan buat ne’ebé mak sira rai hela mai ita, sira kuda ona bandeira RDTL metin iha rai ida ne’e, jerasaun foun nia devér lori bandeira ne’e liki iha mundu internasionál liu husi prestasaun.

Julio realsa tan katak konflitu pasadu hela ba istória, joven sira mai hamutuk haree ba oin labele sikat problema pasadu mai prezente no futuru, tanba kuandu ita rai konflitu pasadu mai prezenti mak ita sei kria kunfuzaun ba ita nia rain no nasaun.

Julio informa ba governu presiza haree mós edukasaun, saúde, agrikultura, seguransa, ekonomia no komunikasaun, presija tau atensaun. Justisa mós tenke independente labele dependente, Parlamentu hadia mós artigu balun kona-ba direitus tanba ohin loron ita haree violasaun direitus ladún fó benefísiu ba vítima sira maibé ba fali kriminozu ka suspeitu.

Iha fatin hanesan, Andre de Jesus nu’udar sobrevivente Korkuli hateten akontese torturasaun oioin konsege ultrapasa iha momentu ne’eba iha funu maun-alin mós akontese torturasaun, no funu hasoru Indonesia mós akontese troturasaun.

Andre espera nai-ulun sira liuliu governu no parlamentu nasional ratifika ona konvensaun internasional sira hodi evita pratika torturasaun. No hametin nafatin unidade iha diversidade nia laran.

“Ita koalia kona-ba lideransa politiku, lideransa partidu se karik hau mak hanesan ita boot sira karik, hau ba konvida ida ne’ebé ki’ik liu hau, se karik hau ki’ik karik hau ba buka ida ne’ebé boot liu, atu nune’e ita bele koopera hamutuk oinsa atu bele dezenvolve nasaun, atu dezenvolve nasaun la’os hau mesak, ó mesak, lae, lideransa hotu-hotu tenki hamutuk, se ita la hamutuk bainhira mak ita nasaun bele lao di’ak.” Hateten Andre de Jesus.

Andre husu ba joven sira labele halo golpe, joven hanesan lutu nasaun nian, se laos ita boot sira se fali, ami hanesan parte hahu, kontinuasaun ita boot sira mak parte futuru.

Print Friendly, PDF & Email

LEAVE A REPLY

Please enter your comment!
Please enter your name here