Home Notisia Trajedia Balibo Five, PPN: Presija Moris Dame, Justisa no Solidariedade

Trajedia Balibo Five, PPN: Presija Moris Dame, Justisa no Solidariedade

475
0
The Balibo Five Greg Shackleton, Tony Stewart, Malcolm Rennie, Brian Peters, Gary Cunningham. [Foto: Copyright google | 16.10.2020]

Reportajen Santina Lucia da Costa

Liuhusi audensia publiku ne’ebé organiza husi Centro Nasional Chega (CNC), ho Konsellu Imprensa Timor-Leste (KI), hodi komemora trajedia Balibo Five ba dala-46, iha ambitu audensia publiku, Prezidente Parlamentu Nasional (PPN), Aniceto Longuinhos Guterres hato’o nia mensajen ne’ebé lee husi Deputadu Silvino Morais katak kada tinan estadu hanoin memória no akontesimentu sira ne’e liuhusi CNC.

Prezidente Parlamentu Nasional (PPN), Aniceto Longuinhos Guterres hateten tinan 46 ona ita hanoin hikas akontesimentu ida ne’ebé marka mós istória independensia Timor nian, masakre Balibo 16/10/1975.

Aniceto haktuir ,asakre maluk estranjeiru na’in lima ne’ebe hala’o serbisu nu’udar jornalista halo kobertura iha situasaun Timor-Leste iha momentu ne’eba, fatin ida ne’e la merese atu akontese, maibe akontese duni ona.

PPN hatutan ohin loron ita hanoin hikas kona-ba akontesimentu ida ne’e no akontesimentu sira seluk tan, ne’ebé husi munisipiu Bobonaro. Masakre sira iha postu administrativu Kailako, Bobonaro, Lolotoe, Atabae, Maliana,  no Balibo.

Aniceto dehan iha ambitu ida ne’e maka CNC foti inisiativa hodi halibur fali memoria no objetu sira ne’ebé relasiona ho akontesimentu ne’eba.

Nia hateten nu’udar estadu halo esforsu lubuk ida ne’ebé liga ho ita nia pasadu, nu’udar timoroan ho timoroan, no Timor ho Estadu ho povu Indonesia. Iha situasaun kalamentu ida ne’e ita hasoru mós dezafius lubuk ida, hanoin hikas pasadu lori ita hakiduk ba hamoris fali todan terus, susar no nakukun lubuk ida ne’ebé hamoris mós sentimentu negativu.

Nia subliña audensia ida ne’e nu’udar meius ida ema rona fila-fali, audensia ne’e atu ezije ita nia kapasidade aten brani,  haraik-an,  vontade no integridade atu kombina memoria ho pasadu.

“Hau nia mensajen nu’udar PPN ba povu Bobonaro, katak ho komemorasaun hanesan ne’e liuhusi audensia publiku sira ita la’os hanoin hikas de’it pasadu maibé hakbiit-an no mós filtra no hili valóres ladi’ak sira iha pasadu hodi mantein iha ita nia moris no aban bainrua.” Hateten, Mensajen PPN Aniceto Longuinhos Guterres, iha Postu-Administrativu Balibo, Munisipiu Bobonaro, 15/10.

Nia akresenta hametin tan ita nia kapasidade vontade no komprimisu hodi hatudu to’o ona ba ohin, to’o ona ba odi vigansa,  to’o ona ba estraga malu, oho malu no sobu malu, TL ita hotu presija moris iha dame, hakmatek,  justisa, solidariedade, fraternidade no prosperidade nia laran.

Entretantu, Loron 16 Outubru 1975, ne’ebé mosu trajedia iha Balibo jornalista Australiano na’in 5 hanesan, Greg Shackleton (Reporter), Tony Stewart (Gravadór lian), Gary Cunningham (Kameramen), hosi mídia HSV-7 (Seven Nerwork) Melbourne no Brian Peters (Kameramen) no Malcom Rennie (Reporter) husi mídia TCN-9 (Nine Network) sydney. Sira hetan oho husi militar Indonesia bainhira hala’o knar jornalizmu atu transmite ba kanál televizaun Australiano, no ikus mai trájedia ne’e koñesidu ho naran Balibo-Five.

Print Friendly, PDF & Email

LEAVE A REPLY

Please enter your comment!
Please enter your name here