Home Notisia PSIK Prosesa Ona Kazu Investigasaun Total 71 Iha Fulan Setembru

PSIK Prosesa Ona Kazu Investigasaun Total 71 Iha Fulan Setembru

181
0
PSIK halo konferensia imprensa. [Foto: David | 15.10.2021]

Reportajen David da Costa Gusmao

Portavós Polisia Sentifiku Investigasaun Kriminál (PSIK), Octavio da Costa Araújo informa, iha fulan setembru tinan ne’e PSIK  halo prosesu Investigasaun Hamutuk  71.

“Husi Kazu sira-ne’e kompostu hosi delegasaun kompeténsia hosi Ministériu Públiku (MP) hamutuk 15, relatóriu interkalár iha 11, relatóriu finál haruka ba ona MP hamutuk 16, no prosesu ne’ebé tranzita iha Outubru 2021 ho totál 44,” dehan Portavós PSIK, Octavio, liu husi konferensia imprensa iha salaun PSIK kaikoli, Sesta 15/10.

Nia dehan durante serbisu iha pikete no prevensaun ka auto denunsia orál no auto notísia hahú hosi fulan Janeiru to’o Setembru 2021, PSIK simu kazu hamutuk 345, no iha operasaun polisiál, PSIK rejísta kazu rua, kompostu hosi flagrante delito ba krime esplorasaun ba jogu ilísitu no falsifikasaun dokumentu ho furtu agravadu.

Nune’e mòs PSIK halo ezekuta ona notifikasaun rua ba hala’o julgamentu iha Tribunál Distritál Suai (TDS) no Tribunál Distritál Dili (TDD).

Alende ne’e mós, nia informa PSIK mós ezame laboratoriál ba kazu sira, oras-ne’e, PSIK hala’o hela faze prosesu ezame ba (DNA) hamutuk lima, kazu balístiku rua mak oras-ne’e iha hela prosesu ezame nia laran, eskrita manuál rua entrega ona ba iha MP, ezame toxicologyójia hamutuk haat iha hela prosesu nia laran, no kazu haat kona-bá jogu ilísitu no furtu agravadu, PSIK halo hela ezame iha lokál krime.

Print Friendly, PDF & Email

LEAVE A REPLY

Please enter your comment!
Please enter your name here