Home Saude Iha tan Kazu Foun Pozitivu COVID-19 Iha Dili nain 6, Iha Baucau...

Iha tan Kazu Foun Pozitivu COVID-19 Iha Dili nain 6, Iha Baucau nain 1 no RAEOA 1

333
0
Imajen konaba virus Corona. [Foto: Copyright google | 02.04.2020]

Reportazen Zevonia Vieira

Ministeriu Saude kontinua deteta tan kazu konfirmadu foun COVID-19 nain 8 iha loron 17/03. Liu hosi zoom konferensia imprensa Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo relata katak kazu foun COVID-19 iha nain 8, hosi kazu refere mane nain 4 no feto nain 4, idade tinan 15 ema nain 1, idade entre tinan 21-30 iha nain 7. Ba kazu refere hotu-hotu asintomatiku ka la hatudu sintomas.

Dr. Rui hateten evolusaun surtu COVID-19 iha municipio Dili, hosi kazu foun iha leten, nain 6 iha municipio Dili ho detlles katak kazu pozitivu nain 3, husi Aldeia 05, Suku Fatuhada, Postu Administrativu Dom Aleixo, pozitivu hirak ne’e kontaktu-besik (hela uma-laran ida), ho kazu konfirmadu husi cluster hanesan, ne’ebé anunsía horiseik.

Kazu pozitivu 1, husi Aldeia São Miguel, Suku Comoro, Postu Administrativu Dom Aleixo. Pozitivu hirak ne’e kontaktu-besik ho kazu pozitivu iha cluster Aldeia 05, Suku Fatuhada. Kazu ida ne’e profisionál saúde ida iha HNGV, unidade hemodiálize, nia serbisu hamutuk ho profisionál saúde ne’ebé horiseik anunsía katak pozitivu.

Kazu pozitivu 2, husi Aldeia Avansa, Suku Bairro Pite, Postu Administrativu Dom Aleixo. Pozitivu rua ne’e kontaktu- besik ho kazu pozitivu iha cluster hanesan, ne’ebé anunsía horiseik. Ho nune’e, kazu detetadu ka pozitivu iha Munisipiu Dili husi loron 7 Marsu to’o ohin hamutuk hotu 83.

Kazu detetadu 83 iha Dili ne’e, fahe ba cluster 23, namkari iha instituisaun 3, eventu 1 no Suku 7, no fatin kuarentena 1, iha Postu Administrativu D. Aleixo, no mos Postu Administrativu Vera Cruz.

Evolusaun surtu COVID-19 iha muniipio Baucau hatudu katak deteta kazu foun nain 1, kazu konfirmadu nee, ba husi Dili iha loron 8 Marsu, nia estudante UNTL, iha Dili hela iha Aldeia Moris Foun, Suku Comoro, Postu Administrativu Dom Aleixo.

Nune’e hamutuk hotu Baucau iha kazu konfirmadu 7, ne’ebé namkari iha cluster 2, nune’e ekipa konjuta saude buka tuir ona kontaktu besik iha Baucau.

Hanesan mos iha RAEOA informa katak deteta kazu konfirmadu nain 1, ema estranjeiru ne’ebé tama ho vistu serbisu, auto-kuarentena durante besik semana 2, hafoin halo teste hetan rezultadu pozitivu.

Dr. Rui informa sira ne’ebé halo kuarentena hamutuk sei estende tan kuarentena ba loron 14, no nain 1 ne’ebé pozitivu transfere ona ba izolamentu.

Nune’e hamutuk hotu kazu detetadu iha RAEOA nain 5 ona, sura husi hahú pandemia iha 2020 to’o agora.

 CIJK apela ba populasaun iha Dili no Timor-Leste tomak, atu lalika halo lai viajen ba RAEOA, hodi nune’e fo’o tempo ba autoridade sira foti medidas nesesárias, atu prevene labele iha transmisaun lokal iha RAEOA.

Nune’e kazu em jeral ohin loron 17 Marsu kazu foun nain 8, kazu rekuperadu nain 5 no kazu ativu iha nain 107.

Print Friendly, PDF & Email

LEAVE A REPLY

Please enter your comment!
Please enter your name here