Reportazen Francisco JDA
“Ha’u senti di’ak hela, maibé ha’u husik ha’u nia mama isola hela iha uma hodi hein ami, husik hela toos no animal ne’e mak ha’u triste“. Pasiente Faustina
Centro Integradu Jestaun Krize (CIJK) repatria ka entrega hikas pasiente nain 7 rekuperadu hosi pozitivu COVID-19 ba família iha Municipiu Covalima, postu Administrativu Fatumea, hafoin hala’o tratamentu iha isolamentu Vera Cruz Dili.
Tuir Diretor Centro Integrado Jestun Krize, Brigadeiro General João Miranda Aluc Descartes iha intervensaun hatete katak, esforsu hotu ne’ebé governu hala’o liu hosi Ministeriu Saúde (MS) hatudu katak iha duni preokupasaun no nia vontade oinsá, atu fo asistensia ba ema sira ne’ebé mak hetan situasaun ida ne’e
“Ministeriu Saude liu hosi sala situasaun, atu despede ita nia maluk sira ne’e no maun alin sira atu fila fali ba sira nia moris fatin atu fasilita sira, CIJK sei fasilita sira to’o iha sira nia hela fatin, aproveita fo hatene ba maun alin inan feton sira ne’e mak hetan pozitivu, agora rekuperadu. Favor fila ba mak senti sintomas ruma ne’ebé mak akuza fo hatene lalais ba ita nia profesionais saúde, mak hela iha ita nia municipiu ne’ebá, fo asistensia lalais hodi salva ita nia vida”, hateten Diretor Centro Integrado Jestun Krize iha Sala Situasaun CCD, Merkadu Lama 17/03
Brigadeiro Jeneral Aluc Descartes realsa tan, ho situasaun ne’e Ministeriu Soliedariedade Sosial no Inklusaun (MSSI) sei apoio hodi lori ba aguenta loron ida ka rua ho família sira ne’ebé mak hela iha moris fatin.
Iha fatin hanesan pasiente rekuperadu COVID-19, Faustina Maria Borges ba jornalista hateten, bainhira ami iha isolamentu médiku sira atende ho di’ak, ba hahán sira, merenda hotu di’ak. Médiku sira mai test kona ba tensaun, Swab, no sira fo vitamina C mak musan 7 ba semana ida dala ida ne’ebé senti di’ak hela
“Ha’u senti di’ak hela, maibé ha’u husik ha’u nia mama isola hela iha uma hodi hein ami, husik hela toos no animal ne’e mak ha’u triste,” hateten Faustina Maria Borges.
