Home Notisia Serka Sanitaria, Oficina Ausai Hapara Traballador nain 7 Temporariamente

Serka Sanitaria, Oficina Ausai Hapara Traballador nain 7 Temporariamente

507
0
Nain Officina Ausai, Joanico da Costa . [Foto: Renumacha | 17.03.2021]

Reportazen Francisco JDA

Kontinuasaun Serka Sanitaria iha Dili tanba impaktu hosi numeru pozitivu ne’ebe kada loron kontinua sae, fo impaktu ba oficina Ausai, hodi hapara funsionariu nain 7 temporaiamente ho razaun hodi kumpri regra serka sanitaria

Bainhira Neon Metin dadalia ho nain Officina Ausai, Joanico da Costa  informa katak, hanesan nain ba officina ne’ebé fó kampu trabalhador ba joven lubun ida, sente triste tebes tanba hapara movimentu no nune’e labele hala’o serbisu normál

“Hanesan sidadaun sente triste, tanba serka Sanitaria ne’e ho razaun katak trabalhador sira ne’ebé mai hala’o serbisu kontratu, hodi hadia kareta hotu mak foin ha’u bele selu sira, maibe impedimentu iha serbisu mak estadu emergencia ne’e, ha’u tenki fo hapara sira ho temporaria hodi bele, kumpre regra serka Sanitaria no hela iha uma,” hateten nain ba Officina Ausai iha Tasi Tolu, 17/03

Joanico da Costa realsa tan, iha mós difikuldade balun ne’ebé officina ne’e hasoru mak iha situasaun serka Sanitaria, nain ba kareta sira ne’ebé mak mai hadia iha officina ne’e hakarak atu uza ona, mais kareta ne’e hadia seidauk hotu, ida ne’e mak hanesan difikulta boot

Nia konfesa katak hanesan sidadaun no trabalhador depende ba rendimentu no tuir serbisu mak iha, la’ós hanesan funsionariu nune’e bele hetan osan kada fulan, tanba ne’e husu governu pelumenus fo fleksibilidade oituan atu bele hala’o serbisu no responde ba nesesidade ne’ebé trabalhador presiza

“Trabalhador sira ne’e la’ós tauk COVID-19, maibé tauk instituisaun ne’ebé fó seguransa iha Dili laran tanba dalaruma halo atuasaun ida ne’e mak sira tauk,” hateten Joanico da Costa iha Tasi Tolu.

Print Friendly, PDF & Email

LEAVE A REPLY

Please enter your comment!
Please enter your name here