Home Notisia COVID-19, Traballador Barak Hetan Ezonerasaun Hosi Kompania Tanba Laiha Rendimentu

COVID-19, Traballador Barak Hetan Ezonerasaun Hosi Kompania Tanba Laiha Rendimentu

435
0
DNEI-SEFOPE, Eginio Pereira. [Foto: Santina Lucia da Costa | 24.09.2020]

Reportazen Santina Lucia da Costa

“Situasaun ekonomia sai kestaun ne’ebe kompania sira preokupa, tanba laiha rendimentu, ho nune’e loja lubuk ida hasai ema kuaze 800 resin tanba impaktu hosi COVID-19”. DNEI-SEFOPE

Asosiasaun Jornalista Timor-Lorosa’e (AJTL) realiza editor Club diskusaun ba dala neen  ho tema Buka solusaun ba numeru dezempregu juventude ne’ebe aas, durante periodu propagasaun COVID-19, ne’ebe hala’o iha salaun Konsellu Imprensa, Quintal-Boot, loron, Kuarta, 23/09

Relasiona ho pandemic COVID-19 ne’ebe fo ameasa boot mos ba parte ekonomia, tanba kompania balun tenke taka ka hamenus funsionariu tanba laiha rendimentu. Ba kestaun ida ne’e, liu hosi editor club Diretor Nasional Empregu Interior (DNEI-SEFOPE), Eginio Pereira hateten ezonerasaun ba trabalhador sira durante ne’e bele iha tanba Covid-19 ne’e mosu, maibe ami liga ba sosializasaun halo inflasaun lei traballo ne’e lao nafatin, problema ne’ebe mosu mak setor industria no setór privadu

“Tanba ne’e mak hodibainhira Guardamor sira hasai ema lubuk ida tan, ne’e realidade tanba sira lahetan rendimentu oinsa mak ami bele emprega nafatin”, tenik DNEI-SEFOPE, Eginio Pereira.

Eginio Pereira informa kona-ba sira ba tuir formasaun iha Bali ne’e kontinua serbisu ka lae, Diretor ne’e hateten realidade foin dadauk haruka na’in 10 ba Bali, antes Covid-19 ne’e mosu, sira ba tuir estajiu iha Bali no hetan akordu entre Novo Turizmo ho SEFOPE.

“Ho akordu entre Novo Turizmu ho SEFOPE, sira mai fali serbisiu iha Novo Turizmo no Diretor Administrasaun husi Novo Turizmo hateten katak, bele simu ona tanba tuir akordu ne’ebe mak iha, sira fila mai ami tenki emprega, maibe agora dadaun iha difikuldade atu hetan rendimentu, tanba ne’e mak ami bele simu, wainhira ami presija sira bele mai serbisu”, esplika Eginio Pereira.

Nia hatutan laos ida ne’e de’it, kompanhia loja lubuk ida mos hasai ema kuaze 800 resin tanba impaktu hosi COVID-19.

Editor Club Discussion ne’e AJTL serbisu hamutik ho Konsellu Imprensa no TVE-T no hetan apoiu finanseiru hosi UNDP no governu Korea , liu hosi agencia KOICA

LEAVE A REPLY

Please enter your comment!
Please enter your name here