Home Notisia Programa Serbisu Sazonal, DNEI: Serbisu Iha Australia Ema Ho Difisiensia Sedauk Iha

Programa Serbisu Sazonal, DNEI: Serbisu Iha Australia Ema Ho Difisiensia Sedauk Iha

360
0
DNEI, Eginio Pereira. SJED Abrao Saldanha no moderado Eko Markus iha editor clbu discussion AJTL. [Foto: Santina Lucia da Costa | 24.09.2020]

Reportazen Santina Lucia da Costa

“Ba defisiente ne’e, ida mak ita koalia progarama serbisu sazonal (SWP) ne’e ba area agrikultura, maibe perigozu mak ne’e, agrikultura mos serbisu todan, hamriik oras 4-5 mak foin deskansa 30 minutus, tanba ba ne’e serbisu duni target”.Eginio Pereira.

Asosiasaun Jornalista Timor-Lorosa’e (AJTL) realiza  editor Club diskusaun ba dala neen  ho tema Buka solusaun ba numeru Dezempregu Juventude ne’ebe aas durante periodu propagasaun Covid-19.

Relasiona ho rekrutamentu ba serbisu iha Australia  liu hosi programa Seasonal Worker ne’ebe mak ho nia kriteria rigorozu tebes ba juventude sira, katak kandidatura sira presiza halo teste fiziku ne’ebe akompanha hosi Polisia Nasional Timor-Leste (PNTL).

Hare ba kestaun ida ne’e iha editor club Neon Metin halo husu klarifikasaun ba kriteriu ne’ebe Sekretaria Estadu Formasaun Profisionál no Empregu (SEFOPE) halo, oinsa ho maluk difisiensia sira bele tuir regras ne’e, tanba la kriteriu la inklusivu.

Be Neon Metin Diretor Nasional Empregu Interior (DNEI), Eginio Pereira hateten tanba saida mak ema ho defisiensia sira la envolve, “ne’e ita labele obriga tanba iha ne’eba oportunidade ba hanesan hotu, tantu ema ho defisiensia iha direitu hanesan hotu, la tuir, ita labele obriga tanba liga mos hanesan formasaun”.

Diretor Nasional Empregu Interior (DNEI) haktuir iha centru formasaun fo oportunidade boot mos ba ema ho defisiensia, uma sira ne’ebe ema ho defisiensia atu ba tuir formasaun husi eskada, sira ho kursi roda, dalan ne’e halo tuir standar internasional, para hotu-hotu asesu ba formasaun,  ita laiha diskriminasaun ba ema ho defisiente.

“Ami  fo apoiu ba ema ho defisiente iha maibe numeru mak kiik, agora ema ho defisiente ne’ebe mak hetan ona apoiu hato’o proposta automatikamente tau prioridade, ne’ebe laiha diskriminasaun”, dehan DNEI Eginio Pereira iha salaun Konsellu Imprensa, Quintal-Boot, loron, 23/09.

Diretor Nasional Emprego Interior hateten kona-ba serbisu iha Australia, ema ho defisiensia seidauk iha, tanba depende kriteriu mai husi ne’eba, “hau labele dehan sira ne’e labele, tes hanesan hotu maibe karik sira ba tuir tes karik, dalaruma keringanan ne’e iha, karik tes fizik ema halo 30 ema ho defisiente labele halo 30, tanba ita haree ema ho defisiente.”

“Ba defisiente ne’e, ida mak ita koalia progarama serbisu sazonal (SWP) ne’e ba area agrikultura, maibe perigozu mak ne’e, agrikultura mos serbisu todan, hamriik oras 4-5 mak foin deskansa 30 minutus, tanba ba ne’e serbisu duni target”, dehan Eginio Pereira.

Editor Club ne’ebe realiza hos AJTL serbisu hamutuk ho Konsellu Imprensa no TVE-T no hetan apoiu finanseiru hosi UNDP no governu Korea liu hosi agensia KOICA.

Print Friendly, PDF & Email

LEAVE A REPLY

Please enter your comment!
Please enter your name here