Home Notisia Lusiana: Bolu Ami Difisiensia Tilun, Labele Bolu Ami Beik

Lusiana: Bolu Ami Difisiensia Tilun, Labele Bolu Ami Beik

645
0
Youth Community Care (YCC), Officer Manager Program, Lusiana do Nasimentu Dias. [Foto: Adalgisa Pereira | 24.09.2020]

Reportazen Adalgisa Pereira

Iha seminariu selebrasaun loron mundial Jestual neebe organiza husi Youth Community Care (YCC).

Officer Manager Program, iha Klibur Difisiente Tilun Timor-Leste, Lusiana do Nasimentu Dias hateten seminariu ne’e realiza atu bele fahe informasaun ne’ebe los konaba ema ho difisiensia no mos la ho difisiensia inkluzasaun iha Timor-Leste.

“karik maluk sira hetan difisiensisa sira bele halo komunikasaun ho sira no ba maluk sira neebe mak seidauk hetan informasaun, dala barak maluk sira iha bemo laran la koalia, sira dehan ami beik no fuck. Ita tenke hadia labele bolu ami fuck maibe bolu ami difisiensia tilun. atu labele diskrimina ema difisiensia banhira iha aktividade ruma, tenke inklui mos difisiensia, ida nee parte importante ami mos ita boot sira rekonese, tan nee labele diskrimina ema difisiensia no labele husik ema ida iha kotuk ita hotu iha direitu hanesan”, dehan Lusiana Do Nasimentu iha Sala Leitura Xanana Guamão iha loron kurta feira 23/09/20

Lusiana hato’o katak YYC serbisu hamutuk ho Ministeriu Edukasaun Inklusivu, sira tau ona formador nain 100 iha ne’eba, maibe sira hatene baziku tebes, seidauk hatene diak liu lian jestual.

“Halo ona seminariu no sosializasaun ho Ministeriu maibe iha parte balun sira labele, tanba menus rekursu umanu no iha eskola balun seidak iha tradutor ba ema difisiensia sira maske eskola ne’e ema difisiensia iha”, hateten Lusiana

Lusiana informa katak eskola iha Dili laran, sede suku sira no iha municipiu sira hanesan Aileu, Liquisa, Manufahi no Ainaro identifika katak iha ema ho difisiensia iha eskola, maibe bareira ne’ebe mak sata netik mak lian tradutor laiha bainhira hasoru ema ho difisiensia tilun no mos letra.

Lusiana hatutan ba ema ne’ebe difisiensia matan laiha no mos hanesan ba fiziku sira bareira mak dalan,  “ami serbisu hamutuk ho Ministeriu Edukasaun parte Inklusivu, sira tau ona formador nain 100 iha ne’eba, maibe sira hatene baziku tebes seidauk hatene diak liu lian jestual, tanba nee banhira iha sala laran mak ema difisiensia ida iha mak laiha mestre tradutora, la inklui ona nia iha laran, sekarik ita inklui tenke iha mestre tradutor.

Iha Asosiasaun Difisiensia Tilun Timor-Leste tradutor hamutuk nain 13 maibe nain 2 iha ona media, tan ne’e tradutor seidauk sufisiente. Foin lalais Sekretariu Estadu Komunikasaun Social apoiu fundus no apoiu tekniku husi ADTL maibe ba fulan 4 ne’e la maximu, tamba nee sira nafatin halo advokasia ba iha gabinete Primeiru Ministru no Ministeriu Solidaridade Sosial no Inklusivu (SEII).

“Seidauk iha lian jestual nasional, sekarik ita nia Ministeriu Edukasaun tau ona lian jestual nasional, entau ita bele ona, eskola iha Dili laran ami luta hela ba inkluzaun maibe seidaun inklui didiak tamba ema ho difisiensia sira nee eskola mak hanesan SMP klase rua no tolu, durante nee primaria no pre-primaria sira la hetan formasaun edukasaun inklusivu”, hateten Lusiana.

LEAVE A REPLY

Please enter your comment!
Please enter your name here