Reportajen Francisco JDA
“Jornalista senior ida iha Thailandia ne’e uluk apoiu Timor-Leste nia luta ba ukun rasik-an makaas, halo sakrifísiu boot iha tempu ne’ebe, agora dadauk nia arrepende no hateten, “tanba sa uluk hau apoiu sira (Timor-Leste)”. Horta
Relasiona ho asembleia jeral iha Organizasaun Nasaun Unida (ONU), ne’ebe halao iha Nova Yorke, hodi halo votasaun kona ba situasaun iha Myanmar, nune’e nasaun barak halo rezolusaun ida ho tema Direitu Umanus, Paz no seguransa, tanba golpe military, violasaun direitus umanus akontese, tanba ne’e rezolusaun ne’e atu kondena golpe military, nune’e ezije ba governu Myanmar atu respeita direitu umanus, atu liberta prizioneiru sira nune’e bele husik reprezentante Sekretáriu Jerál tama iha Myanmar, tanba to’o agora reprezentante Sekretáriu Jerál la tama, tanba military sira la aseita, violasaun direitu umanu no golpe military kontinua akontese.
Liu hosi konferénsia imprensa Premiadu Nobel da Paz no Prezidente Republika Timor-Leste, Dr. Jose Ramos Horta ba jornalista sira hatete katak, negosiasaun hosi Uniaun Europeia, Estadus Unidus Amérika no Asian mak aprezenta rezolusaun ne’e, tanba militár sira iha Myanmar halo golpe military no kontra governu, parlamentu ne’ebe manan eleisaun, lideradu hosi Nation Democratic Lead (NDL), iha Sudeste Aziátiku, ne’ebé Timor-Leste hola parte, votasaun ne’e loloos Timor-Leste vota a favor maibé abstain fali, nune’e úniku nasaun ida mak vota kontra mak nasaun ditadura ida hosi Biala Rusia, no nasaun 119 mak a favor, no 36 nasaun mak abstain, inklui Timor-Leste, maske nasaun sira iha Europa, Amerika no nasaun hosi CPLP sira vota a favor
“Hau pesoalmente hakfodak hosi ida ne’e no moe, ita Timor-Leste rai ida mai hosi luta, no terus luta ba liberdade no demokrasia, no rihun ba rihun mate durante luta iha santa Cruz. Situasaun foin dadaun la’o iha Myanmar joven hira mak la mate iha ne’eba atus ba atus, Myanmar nia embaixador vota a vafor. Razaun saida dalaruma balun hatete vota a favor ita nia impaktu adesaun ba asean esplikasaun, saida mak ne’e, Indonesia, Singapura, Malaysia, Vietnam, Filipina vota a favor, maibe Timor labele vota a favor ou tanba adesaun ba asean deit, ita tenki halo traisaun ba movimentu demokrasia iha Myanmar, folin saida atu selu ba ita nia adesaun ne’e mak hau hakfodak”, dehan Dr. Jose Ramos Horta iha nia rezidénsia Farol, 21/06.
Nia hatutan jornalista senior ida iha Thailandia ne’e uluk apoiu Timor-Leste nia luta ba ukun rasik-an makaas, halo sakrifísiu boot iha tempu ne’ebe, agora dadauk nia arrepende no hateten, “tanba sa uluk hau apoiu sira (Timor-Leste)”.
Dr. Jose Ramos Horta realsa tan Ministeriu Negosiu Estrangeiro no Kooperasaun la halo konsulta ho Primeiru Ministru no Presidente Republika, signifika la informadu tanba ne’e bainhira iha governu ida kuandu iha asuntu diplomatiku iha asembleia jerál, hare todan presija halo konsulta ho Primeiru Ministru maibé tanba la informadu Timor-Leste nia naran monu iha tahu laran.
