Home Notisia Harii Edifisiu PNTL, Rogerio: Husu PM Hapara Despeza Administrativu Tan Viola Lei...

Harii Edifisiu PNTL, Rogerio: Husu PM Hapara Despeza Administrativu Tan Viola Lei Espropiasaun

378
0
Komunidade afetadu aldeia 01 Kaikoli no Rede ba Rai iha konferensia imprensa. [Foto: Francisco JDA | 01.02.2021]

Reportazen Francisco JDA

“Ami husu atu hapara espropiasaun ba ami nia propriedade tanba kontra prinsipiu lei espropiasaun iha artigu 8 númeru 3 no Ministeriu Justica liu hosi diresaun DNTP mós viola lei nu 13/2017, kona ba regime espesial ba defenisaun titularidade bein imovel”. Komunidade Afetadu

Komunidade suku Kaikoli, aldeia Zero 1 hala’o konferensia Imprensa relasiona ho planu governu ne’ebé sei halo konstrusaun edifisiu Quarter Jerál Polísia Nasionál Timor Leste (PNTL), hamutuk ho Diresaun Nasionál Terra no Propriedade (DNTP), ne’ebe sei afeta komunidade sira nia hela fatin no karik sei akontese eviksaun.

Porta Voz komunidade afeitadu Kaikoli, Rogerio Marcal hateten katak hanesan rai nain prontu no konkorda atu koopera husik mamuk fatin ne’e, maibé tenki la’o tuir prosesu normál no prosesu pagamentu ho di’ak, labele husik hela konfuzasaun no insantisfasaun ne’e ba komunidade.

“Prosesu negosiasaun realiza dala barak ho maneira presaun psikologia, hodi la promove prinsipiu negosiasaun nune’e la hamosu akordu governu ho komunidade rai nain no planu ne’e hamosu prejuisu ba ami nia rendimentu durante tinan 8. Ami husu atu hapara espropiasaun ba ami nia propriedade tanba kontra prinsipiu lei espropiasaun iha artigu 8 númeru 3 no Ministeriu Justica liu hosi diresaun DNTP mós viola lei nu 13/2017, kona ba regime espesial ba defenisaun titularidade bein imovel”, hateten porta voz Rogerio Marcal iha suku Kaikoli, aldeia Zero 1, 01/02

Rogerio rekomenda ba Primeiru Ministru nudar Ministru Interior (MI) atu hapara despeza admistrativu tanba viola lei espropiasaun, rekomenda mós ba Komando Jeral PNTL, Faustino da Costa atu labele halo fali intervensaun ba servisu DNTP nian.

Iha Fatin hanesan Koordenador Nasionál Rede ba Rai (RbR) Hortencio Pedro Vieira iha intervensaun hatete katak, populasaun nudar sidadaun Timor nian, se sira iha preokupasaun no ema halo violasaun ba sira nia direitu tuir lei ne’ebé vigora, RbR prontu defeza sira nia direitu, tanba buat ne’ebé baibain akontese, komunidade menus konnesimemtu ema hanehan komunidade atu tuir poder ne’ebé sira hakarak.

Nia dehan Timor-Leste nudar nasaun demokratiku no ema hotu iha lei  nia okos, ho nune’e Rede ba Rai entaun fo asistensia juridiku no fó informasun ne’ebé los no saudavel, para labele akontese ema ida hanehan ema seluk nia direitu.

Sorin seluk Xefe Suku Kaikoli, Hipolitu Marques hatete katak estadu sempre  deklara katak rai ne’e estadu nia, maibé estadu tenke hanoin didiak tanba fatin ne’e uluk lago (danau) no komunidade kuda osan hira mak foin harii uma sira ne’e.

Print Friendly, PDF & Email

LEAVE A REPLY

Please enter your comment!
Please enter your name here