Home Feature Moris Mukit Obriga Leonito Para Eskola Desidi Faan Sasan

Moris Mukit Obriga Leonito Para Eskola Desidi Faan Sasan

335
0
Leonito Soares Martins. [Foto: Francisco JDA | 31.01.2021]

Reportazen Francisco JDA

Loron manas ka udan, nia lao dadauk iha dalan ninin sira, liu hosi lidun balu ho nia aifuan ne’ebe nia tar ba ai, tula hela ba kabas no kontinua hakat pasu ida ba oin, ho hanoin ema bele bolu netik, hodi sosa nia ai-fuan.

Leonito foinsa’e maubere oan ne’ebe desidi buka moris hosi faan ai-fuan lao haleu sidade Dili, tanba ho hanoin ida katak dalan nee mak fasil ba nia atu hahu moris, hodi buka dollar ida hatutan moris.

Jornalista Neon Metin hakat besik ba nia, dadalia oituan ho Leonito Soares Martins idade 17, hosi Municipiu Ermera, Postu Letefoho ne’ebé loron-loron sempre la’o haleu Dili laran, hodi faan netik nia sasan hanesan ai-fuan, sigaru, pulsa telefone ne’ebe nia sosa tutan fali hosi nia maun

Leonito hikis kosar sem ezije buat oin-oin, ho nia espiritu foinsa’e nian, nafatin firme maske hasoru obstaklu iha nia moris, loron ida nia bele hetan $5.00, maibe ne’e mos depende ba sorte, maibe ne’e la halo nia espritu mout

“Loron-loron hau hader Jam 05:00, nune bá buka osan iha Dili laran, ha’u nia papa mate ona, bainhira ha’u sei kiik. Ha’u nia papa mate iha Atambua, ha’u nia mama mak sei moris iha Ermera. Ami nia kafé iha maibé ai han mós tiha, dadaun ne’e ha’u nia alin mak eskola iha Ermera no ha’u para eskola iha SD klase 4 de’it”, Leonito hatutan ho triste ba Neon Metin iha Largo Lecidere, 28/01.

Moris kiak ne’ebe Leonito ho nia familia halao, nia tenke desidi para eskola tanba deit neseside. Ba nia importante liu bele han loron ida, duke soe tempu ba eskola, maske idade hanesan Leonito presiza duni asesu edukasaun, hodi prepara nia an atu bele hetan moris diak liu iha futuru, hodi ses-an hosi mukit. Karik Leonito iha esperansa ne’ebe nabilan hosi negosio kiik ne’ebe nia halo. Espera Leonito iha mos direitu hanesan joven sira seluk, ne’ebe bele goja nia diretu asesu edukasaun, maibe la hatene bainhira!

Print Friendly, PDF & Email

LEAVE A REPLY

Please enter your comment!
Please enter your name here