Home Notisia Ema Ho Difiensia Mak Sai Vulneravel Liu Iha Asesu Ekonomia Durante Covid-19

Ema Ho Difiensia Mak Sai Vulneravel Liu Iha Asesu Ekonomia Durante Covid-19

442
0
RHTO halo konferensia imprensa konaba ema ho difisiensia. [Foto: Francisco JDA | 23.06.2020]

Reportazen Francisco JDA

Ra’es Hadomi Timor Oan (RHTO) hala’o konferensia imprensa liu hosi Centru Informasaun Impaktu Covid-19 (CIIC), hodi relata asuntu kona implikasaun hosi Covid-19, ne’ebé maluk Difisensia sira hasoru, tanba ema ho difisensia vulneravel liu iha area ekonomia, mental no fiziku.

Porta Voz RHTO, Abilio Camoes ba jornalista sira informa katak, liu hosi observasaun geral RHTO nian hatudu ema ho difisensia iha kondisaun vulneravel liu iha situasaun estadu emergencia no risku liu hasoru Covid-19

“Ema ho dfisensia mak vulneravel liu hanesan tipu mental, intelektual, matan, ijiene no komunikasaun tilun no fiziku. Ema ho difisensia la iha kbiit atu responde ekonomia baziku, ba sira nia uma laran no sira nia an rasik hanesan hola hahan no konsumu ba sira nia an rasik. RHTO presiza tebes instituisaun relevante iha estadu emergencia”, deklara Porta Voz RHTO Abilio Camoes iha salaun FONGTIL 23/06.

Porta Voz RHTO afirma tan durante ne’e RHTO rasik mós ajuda ona maluk difisensia lubuk ida iha Municipiu 6 hanesan Dili, Ainaru, Liquica, Ermera no Viqueque iha Postu Admistrativu 16, suku 40, Aldeia 50. Totál ema ho difisensia ne’ebé hetan nesesidade baziku hamutuk 286, objetivu hosi fahe material ne’e atu tulun ka apoio ema ho difisensia, hodi prevene-an hosi surtu Covid-19 no situasaun Estadu Emergencia.

Iha fatin hanesan, Project Koordenador RHTO, Paulo da Silva Neves ba jornalista sira esplika katak bainhira RHTO fo apoio nesesidade baziku ba iha munisípiu sira, hasoru dezafius barak tanba ema barak mak mosu mai lori sira nia oan ho difisensia, katak sira la iha forsa naton no hare ba dadus ne’ebé iha, apoio balun no seluk buka mekanismo atu apoio, tanba orgazisaun barak mak suporta no foka ba área neebe diferente.

Maske nune’e Paulo da Silva dehan ema ho difisensia sai vulneravel ona antes Estadu Emerjensia no ohin loron iha moras Covid19, sira sai vulneravel liutan.

Print Friendly, PDF & Email

LEAVE A REPLY

Please enter your comment!
Please enter your name here