Reportajen Joselina Dos Santos
“Relata atinjimentu lubuk ida, maibé prinsipal mak hanesan ezame nasional, finaliza 94 eskola ne’ebe inagura iha Janeiru no mós finaliza preparasaun atribuisaun ba bolsa de meritu, finaliza distribuisaun 20 mil mezas no karteiras no relata formasaun ba professores sira ne’ebe konsege gradua Cerca de 2 mil ital.”, Ministru Armindo
Ministru Edukasaun Juventude Desportu (MEJD), partisipa reuniaun ne’ebe organiza husi Gabinete Vise-Primeira Ministra, no Ministra Solidariedade Sosiál no Inkluzaun (MSSI), hodi aprezenta kona-ba atinjimentu MEJD nian iha fulan rua ikus Outubru to’o Dezembru tinan 2022, no mós kona-ba dezafiu saida mak durante ne’e enfrenta no rekomendasaun atu nune’e iha tinan 2023 ne’e bele hakat ho di’ak.
Hafoin Reuniaun, Ministru Edukasaun Juventude Desportu (MEJD), Armindo Maia hatete MEJD tau ses tiha Juventude Desportu, kona-ba edukasaun nia relata atinjimentu lubuk ida, maibé prinsipal mak hanesan ezame nasional, finaliza 94 eskola ne’ebe inagura iha Janeiru no mós finaliza preparasaun atribuisaun ba bolsa de meritu, finaliza distribuisaun 20 mil mezas no karteiras no relata formasaun ba professores sira ne’ebe konsege gradua Cerca de 2 mil ital.
“Ami mós informa kona-ba dezafius hanesan infraestuturas edukativa tanba prosesu la’o kleur, maibé presiza verifika entaun tarde prosesu konstrusaun no reabilitasaun ida seluk mak kestaun atribuisaun Bolsa de Merito katak informasaun ita hatun to’o kraik no fim interpretasaun no leitura la dun forte ikus hamosu konfuzaun tanba ida ne’e primeira vez entaun ita aprende husi esperensia ida ne’e atu tinan oin bele halo diak liu tan”, Dehan, Ministru Edukasaun Juventude Desportu (MEJD), Armindo Maia Hafoin Enkontru iha Salaun MSSI Kaikoli, kinta 09/02.
Governante ne’e informa, iha rekomendasaun seluk mak falta kordenasaun entre liña ministeriais sira, nune’e presiza koordenasaun ne’ebe diak liu tan, husu nafatin atu orsamentu ba MEJD tenke bele nafatin tanba iha nesesidade boot hahú husi infraestutura to’o mobiliar eskolar no sira seluk atu bele aselera.
