Reportazen Bernarda da Costa*
Inundasaun ne’ebe foin lalais akonte iha loron 4 Abril, hamosu afeta boot ba komunidade nia moris, liu-liu maioria labele asesu bee moos tanba kanu barak mak tohar.
Situsaun ida ne’e afeta makaas ba komunida iha suku Bekora, Posto Administrativu Cristo Rei konsumu bee mota, tamba kanu ne’ebe dada bee moos ba aldeia Mota Ulun hetan estragus.
Komunidade hela iha fatin refere, Jose da Costa hateten foin dadauk akontese inundasaun maka kanu iha fatin refere tohar hotu, entaun bee moos iha fatin ne’e labele mai, husi parte Servisu Agua Saneamentu (SAS) mai hadia ona maibe to agora bee seidauk mai.
“Foin dadauk sira husi organizasaun internasional mai tau ona tanki rua iha ne’e mak ami uza, maibe tanki rua ne’e supa bee mai husi mota no iha makina ida halo bee ne’e sai moos mak fahe fali mai ami,” dehan Jose ba jornalista sira iha Bekora, 26/04.
Komunidade sira husu ba governu atu bele mai hare direita preokupasaun komunidade nian, no oinsa bele resolve.
*(Bernarda da Costa nudar estudante UNTL ne’ebe halo estajiu iha Neon Metin)
