Home Notisia COVID-19, Horta Husu Populasaun Kumpri Protokolu Saude, Maibe Labele Taka Merkadu

COVID-19, Horta Husu Populasaun Kumpri Protokolu Saude, Maibe Labele Taka Merkadu

299
0
Premiadu Nobel da Paz, Dr.José Ramos Horta. [Foto: Francisco JDA | 27.04.2021]

Reportazen Francisco JDA

Ohin Premiadu Nobel da Paz, Dr.José Ramos Horta hasoru malu ho Primeiru Ministru (PM), Taur Matan Ruak hodi ko’alia kona ba infesaun COVID-19 ne’ebé aumenta iha Timor-Leste, tanba sosiedade barak la kumpre dezisaun ne’ebé governu halo, hahú hosi ema ne’ebé tama dalan ilegal sira, ho preokupasaun ne’e atu kontribui para halo sensibilizasaun boot liu iha komunidade, tuir regra autoridade saúde  no Organizasaun Mundiál Saúde (OMS) establese.

Hafoin enkontru Remata, Premiadu Nobel da Paz Dr. José Ramos Horta ba jornalista hateten Timor-Leste presiza kolabora ho Nasoens Unidas no OMS, sistema COVAX atu rigorozu liu ho maskra, fase liman maibé lalika taka restaurante no merkadu sira, maibé presiza fasilita vasina, maskra ba povu sira.

“Labele taka merkadu sira, tenki hare vasina ba sira, fase liman, maskra,  labele provide fali truck lori sasán hosi Ainaro, Suai, Lospalos mai Dili maibé oinsá truck driver sira ne’e iha protesaun, maskra, fase liman, vasina prioridade ba sira nune’e ita bele kontrola virus ne’e,” hateten Dr. Ramos Horta iha residensia  Primeiru Ministru Taur Matan Ruak, Farol,27/04

Dr.José Ramos rekomenda ba komunidade sira, atu halo protesaun hosi COVID tur iha li’ur, varanda ka hás hun, tenke uza maskara no fase liman bebeik, labele sena malu iha uma laran, janela no odamatan taka se iha uma laran, halo distansiamentu no labele taka restaurante sira.

Print Friendly, PDF & Email

LEAVE A REPLY

Please enter your comment!
Please enter your name here