Reportajen Crencensia de Castro
Hodi komemora loron mundia dezastre, APC realiza atividade donasaun ran, tanba mos nudar membru Nasoens Unidas.
Sekretariu Estadu Protesaun Sivil, Domingos Mariano Reis hateten, loron 13 Outubru loron internasional ba dezastre naturais, rezolusaun Nasoens Unidas numeru 44/236 tinan 1989.
“Timor-Leste nu’udar membru pais ba nasoens unidas nian hola parte hodi komemora ba loron ida ohin ho programa sira hanesan primeiro maka doasaun ran ne’e ita hasai ona despaco tinan rua ba kotuk katak iha dia 13 de outubru hakarak ka lakoi protesaun de sivil hakarak kontribui doasaun ran ba hospital nasional Guido valadares hodi bele apoiu ita nia maluk pasiente sira ne’ebe mak hospital nasional presija” dehan nia
Nia esplika aktividade ne’e servisu hamutuk entre protesaun sivil, cruz vermelha Timor-Leste no banco de sangue hodi realiza ba loron ohin ne’e funsionario hotu-hotu ne’ebe maka iha autoridade protesaun sivil hakarak ka lakoi hotu-hotu ne’ebe ho kondisaun saudavel obrigatorio atu mai oferese ka fo doasaun ran ba hospital nasional guido valadares ho ran ida ne’e bele salva mos ema seluk nia vida.
“Ita hotu hatene misaun protesaun sivil ne’e mak atu servi no proteje sidadaun Timorense husi kauza dezastre ou katastrofes tamba ne’e ohin doasaun ran ida ne’e fas parte ida husi asistensia umanitaria fas parte ida husi servi I proteje ita nia sidadaun sira husi kauza oi-oin, sira ne’ebe mak moras iha hospital nasional sira presija ita nia asistensia, ezemplu simples ohin iha ne’e mak doasaun ran, atividade no programa ida ne’ebe ohin ita realiza ita la iha gastu boot ida, mais presija mak vontade, kontribuisaun I voluntariamente” dehan nia
Nia aumenta katak CVTL hamutuk ho protesaun sivil hakarak voluntariamente halo doasaun ba banku de sangue hodi apoiu maluk pasiente sira ne’ebe iha hospital nasional Guido Valadares, ne’ebe importante tebes para bele halo ballansu promove poupanca ba orsamentu jeral do estadu hodi garante sustentabilidade ba dezenvolvimentu pais nian.
“Ita nia gastus ki’ik mais rezultadu no impaktu ne’ebe bo’ot I kontribui direta ba ita nia sidadaun sira” deklara nia
Iha loron 24 mos sei selebra aniversariu dezastre internasional nian iha Oekusse, atividade ida maka, sei fo apoiu ai-han ba grupu vulneravel sira iha Raeoa I hau kordena ona ho prezidente Raeoan atu mobiliza ai-han sira ba Raeoa
Nia deklara katak ohin ho aban sei mobiliza ai-han ba Oe-Cusse atu nune dia 24 bele fahe ai-han ho pakote ida-ida ba Inan, Aman no Alin sira ne’ebe maka vulneravel liu no defisiente iha RAEOA.
Tuir data husi APC katak husi Janeoiru to’o Outubro, total apoiu ba dezastre ne’e hamutuk 1017, no numeru husi munisipiu ass liu mak Baucau, tamba kauza husi anin, ba oin governu sei apoiu nafatin tamba iha dever moral politika hodi apoiu ba vitima sira pur kauza dezastre tamba ne’e maka sekretariu estadu protesaun sivil nia misaun halo rekoperasaun ba sira nia hela fatin.
