Home Notisia Funsionariu Bombeiros Hetan Stroke Bainhira Simu Vasina? MS: Laiha Ligasaun Ho Vasina

Funsionariu Bombeiros Hetan Stroke Bainhira Simu Vasina? MS: Laiha Ligasaun Ho Vasina

2565
0
Ministra Saude (MS), Odete Maria Freitas Belo. [Foto: David da Costa | 27.04.2021]

Reportazen David da Costa Gusmao*

Relasiona ho funsionariou Bombeiros ne’ebe simu asina AstraZeneca no iha loron ida tui mai hetan stroke, ba asuntu ida ne’e Ministra Saude (MS) Odete Maria Freitas Belo rejeita informasaun refere, tanba iha pre-liminaria hatudu katak la iha ligasaun ho vasina AstraZeneca.

Ministra Odete deklara katak rejeita kazu funsionariu bombeiros nain ida ne’ebe mak hetan vasina hotu kona kedas stroke tanba la iha ligasaun ho vasina AstraZeneca.

“Kazu bombeiros nian ne’e,  iha kazu ida ne’ebe mak espesifiku oituan, bainhira nia simu tiha vasina iha dadersan, iha lorokraik nia stroke kedas, atu hatete deit katak ita halo hela investigasaun ba kazu ida ne’e, maibe iha rezultadu pre-liminaria hatudu katak la iha ligasaun ho vasina AstraZeneca,” esplika Ministra saude ba jornalista hafoin hasoru malu ho Primeru Ministru (PM) iha nia Rerezidensia farol Dili, 27/0.

Nia informa, sira halo ona raiosis ba nia no lao tuir nia istoria moras nian, iha relatoriu pre-liminaria la iha ligasaun ho vasina AstraZeneca.

Nia haktuir parte saude sura nafatin katak ida ne’e hanesan reasaun husi vasina nian, atu sira bele halo estudu klean liu kona ba kazu ne’e.

“Ami nafatin sura ida ne’e hanesan reasaun husi vasina nian, atu ami kontinua halo nafatin estudu, atu hare dehan ida ne’e iha duni ligasaun entre vasina ne’ebe mak nia simu ho moras ne’ebéemak nia hetan ne’e ka lae?,”nia subliña.

*(David da Costa Gusmao nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here