Reportazen Zevonia Vieira
Ministeriu Saude deteta tan kazu foun konfirmadu COVID-19 ba loron 27 Abril ho total 99. Liu hosi komunikadu imprensa Koordenador Forsa-Tarefa ba Prevensaun no Mitigasaun, Dr.Rui Maria de Araújo, Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste informa ba jornalista sira katak dadus jeral ohin nia hatutu kazu foun pozitivu COVID-19 hamutuk 99 (iha Dili 58 no iha municipio seluk 41).
Hosi total kazu detetadu foun mane nain 50 no feto 49, hosi total kazu detetadu foun ohin sintomátiku nain 5 no asintomátiku nain 94 (94,9%). Husi total kazu detetadu foun ohin, 71 (71,1%) maka deteta tamba halo teste ho razaun atu halo viajen/ka halo ona viajen ba Munispiu hafoin deteta pozitivu.
Kazu rekuperadu total 76, total kazu ativu hamutuk 1073. Husi horiseik mai ohin, hamutuk 958 mak halo teste PCR.
