Home Notisia Francisco Re-eleitu Ba Konselho Imprensa, Reprezenta TLPU Ba Periodu 2020-2024

Francisco Re-eleitu Ba Konselho Imprensa, Reprezenta TLPU Ba Periodu 2020-2024

167
0
Francisco Belo re-eleitu ba KI hosi TLPU. [Foto: Francisco JDA | 29.06.2020]

Reportazen Francisco JDA

Francisco Belo reeleitu hodi reprezenta  jornalista no Timor-Leste Press Union (TLPU), hodi ba tur iha Konselho Imprensa ba period 2020-2024.

Hafoin eleisaun ne’ebe organiza hosi KI no TLPU, Francisco Belo ne’ebe re-eleitu ba kongresista sira hateten Konselho Imprensa atu ba oin liu tan, presiza jornalista sira nia kontribuisaun.

“Ha’u sura nafatin membru TLPU no jornalista hotu sira, no mós kolega sira iha Asosiasaun Jornalista Timor Lorosae (AJTL), hanesan parseiro no nain ba Konselho Imprensa, ami nain 5 ne’ebé eleitu,  mak reprezentante  jornalista no media nain, ita hotu hamutuk atu promove liberdade imprensa no liberdade espresaun”, hateten Francisco Simoens iha S\salaun Delta Nova, 27/06

Iha Fatin hanesan Presidente KI, Virgilio da Silva Guterres iha diskursu afirma katak, ida ne’e nomeasaun TLPU nian, hodi reprezenta jornalista sira hotu iha Timor-Leste.

“Pesoalmente ha’u sente haksolok, tanba ita hahú iha ita nia leet aprende atu rona malu, atu simu resultadu saida de’it mak ita hetan iha prosesu votasaun ne’e, ida ne’e fo konfiansa ba ita katak iha komunikasaun no prátika loron-loron, ita bele sai exemplo ba polítika sira, ne’ebé dalaruma ita fo votus ba sira, maibé la halo ka pratika sees hosi ita nia espetativa”,  tenik Presidente KI Virgilio da Silva Guterres

Membru TLPU ne’ebe tuir kongresu hamutuk nain 190, hosi rezultadu eleisaun Francisco Belo hetan votus 116, Noemio Falcao hetan 35, Cancido Alves hetan votus 26 no Horacio Babo hamutuk 12 no. Francisco Belo oras ne’e dadauk nudar editor iha Tatoli.IP

Tuir agenda AJTL sei halo konferensia hosi hili nia jornalista ka membru hodi ba tuir iha Konselho Imprensa iha loron 4 Julhu 2020.

LEAVE A REPLY

Please enter your comment!
Please enter your name here