Reportazen Francisco JDA
Bee moos sai nesidade fundamental ba ema nia nia moris no tuir Konstituisaun RDTL ema hotu iha direitu hodi asesu ba seitor hotu, inklui asesu bee moos. Maske Timor-Leste ukun an liu ona tinan 10 resin, maibe maioria povu kontinua ezije no preokupa ba bee moos, liu-liu iha kapital Dili no area remotas sira.
Liu hosi plenaria iha Parlamentu Nasional Deputadu bankada Partidu Demokratiku (PD), Mariano Sabino Asanami hateten, iha komunidade lubuk ida, too agora la asesu ba bee móos ho di’ak no sira tenki kuru bee móos ho distansia dook no balun tenki sosa.
“Ita sira ne’ebé asesu ona bee móos, ita la hatene ida ne’ebé mak ita bele hemu no saudavel ka lae, tanba husik hela ema ida-idak ke bee. Husu Ministeriu relevante sira katak bee moos ne’e fundamentu tebes ba populasaun, liga mós ho baragen ne’ebé uluk ita dezenha ona, para atu halo iha Ermera, para asesu bee ne’e ema ida-ida la bele ke bee, maibé bele hare katak komesa oinsá mak fasilita ema hotu iha bee ne’ebé saudavel, nune’e bele asesu ba eskola sira, nune’e labarik sira bele direita hemu kuandu ita halo ona Centru Bee nian ho di’ak”, hateten Deputadu Assanami iha Uma Fukun Parlamentu Nasionál, 29/06
