Home Notisia Deputadu Sira Ezije Balun Sedauk Simu Subsidiu, Francisco: Sei Verifika Fali Rezultadu...

Deputadu Sira Ezije Balun Sedauk Simu Subsidiu, Francisco: Sei Verifika Fali Rezultadu Reklamasaun

512
0
Ministru Asumtu Parlamentares no Komunikasaun Sosial Francisco Jeronimo. [Foto: 29.06.2020]

Reportazen Francisco JDA

Relasiona ho Subsidiu $100 hosi governu hodi fahe uma kada uma kain tanba impaktu hosi Covid-19,  tuir informasaun ne’ebe hatoo iha sala plenaria Parlamentu Nasional  katak iha uma kain balun iha suku sedauk simu.

Ho informasaun refere jornalista sira halo konfirmasaun ho Ministru Asumtu Parlamentares no Komunikasaun Sosial Francisco Jeronomi esplika katak populasaun ne’ebe naran la mosu iha lista, pagamentu subsidiariu ba uma kain, tama hotu reklamasaun hamutuk rihun ba leten, sei halibur hamutuk hafoin halo pagamentu.

“Reklamasaun sira ne’e sei resolve hotu, maibé membru ne’ebé reklamadu sei halo verifikasaun lolos, kuandu los ona sei halo pagamentu, mesmu estadu emergencia remata no pagamentu kontinua no direitu hetan nafatin. Reklamasaun sira ne’e sei mai fila fali iha governu, halibur hamutuk iha Ministeriu Estatal, halo verifikasaun depois lori tan ba Ministeriu Solidariedade Sosial no Inkluzaun”, hateten Francisco Jeronimo iha Parlamentu Nasionál, 29/06.

Francisco hatutan sira ne’ebé simu osan subsidiu dobru ka fatin rua, husu konsensia uma kain ida nian atu simu de’it iha fatin ida, maibé governu kontinua hare no buka tuir, hodi husu tanba saida mak simu fatin rua, maibé dezisaun la’ós foti agora kedas maibé programa pagamentu hotu lai mak sei hare ida nee.

LEAVE A REPLY

Please enter your comment!
Please enter your name here