Home Notisia Plan Internasional no Casa Civil Prezidensial Asina ME Konaba Impaktu Negativu Kaben...

Plan Internasional no Casa Civil Prezidensial Asina ME Konaba Impaktu Negativu Kaben no Isin Rua Sedu

125
0
Plan Internasiona, Casa Civil Prezidensia no espoza Prezidente da Republika. [Foto: Santina Lucia da Costa | 30.06.2020]

Reportazen Santina Lucia da Costa

Plan Internasional ho Casa Civil Prezidensia Republika Demokratika Timor-Leste asina Memorandu Entendimentu (ME), konaba Impaktu Negativu hosi Kaben Sedu no Isin Rua Sedu no Hapara Violensia Hasoru Labarik Feto no Feto.

Liu hosi komunikadu ne’ebe Neon Metin asesu haktuir katak iha Memorandu Entendimentu refere espoza Prezidente da Republika, Cidalia Lopes Nobre Mouzinho Guterres, mak sei sai nudar embaixadora ba kampanha konaba Impaktu Negativu hosi Kaben Sedu no Isin Rua Sedu no mós Hapara Violénsia hasoru Labarik, LabarikFeto no Feto iha Timor-Leste.

Objetivu prinsipál husi Memorandu Entendimentu, atu kontribui ba promove igualidade jéneru, liu husi empodera labarik feto no feto enjerál, hodi realiza sira-nia direitu iha area hotu-hotu. Hapara violénsia no diskriminasaun hotu hasoru labarik (mane no feto), liliu labarik feto no feto enjerál iha Timor-Leste no servisu influensiasaun,  sei realiza tamba iha evidénsia forte husi Plan Internasional ho nia parseiru sira, ne’ebé halo servisu iha baze no bazeadu ba relatóriu peskiza no avaliasaun sira hotu.

PITL iha komitmentu boot ba partisipasaun feto no labarik feto iha area hotu, partikularmente igualidade jeneru. Atu fasilita diskusaun nakloke entre feto no labarik feto sira, ba tópiku igualidade jéneru no asuntu seluk.

Plan International inisia programa ida ho naran Girls Out Loud, inisia iha Columbia in 2017. Objetivu prinsipál mak atu kria espasu seguru ida ba labarik feto sira, hodi diskuti asuntu saida de’it mak sira senti no hanoin. Mekanismu ne’ebé uza mak diskusaun,  hala’o iha Grupu Facebook ho naran Girls Out Loud Timor-Leste.

Girls Out Loud Timor-Leste hahú ihaloron 12 de Juñu 2020 ho membru agora hamutuk 274 iha Facebook group ba Labarik Feto no Feto idade 15 – 26.

Atividade principal Atividade Girls Out Loud Timor-Leste fahe ba parte haat mak hanesan kria tópiku ne’ebé interese ba labarik feto sira hanesan igualidade jéneru, prevensaun COVID-19, inklui mós asuntu violénsia bazeia ba jéneru.

Tamba ne’e Girls Out Loud Timor-Leste iha komitmentu hasa’e koñesimentu feto no labarik feto sira ba asuntu igualidade jéneru hodi kontribui ba sosiedade harmonia no dame.

LEAVE A REPLY

Please enter your comment!
Please enter your name here