Home Notisia Prezidente da Republika Kompremete Defende Inkluzaun Sosial no Ekonomia

Prezidente da Republika Kompremete Defende Inkluzaun Sosial no Ekonomia

150
0
Plan Internasional ho Xefe Casa Civil Asina Memorandu Entendimentu.[Foto: Santina Lucia da Costa | 30.06.2020]

Reportazen Santina Lucia da Costa

Resonsabilidade estadu nian hodi proteje labarik sira hosi idade zero (0) to’o idade 18, iha oportunidade atu moris aprende, halimar no dezenvolve ho diginidade.

Liu hosi asina Memorandu Entendimentu (ME) entre Plan Internasional ho Casa Civil Prezidensia Republika Demokratika Timor-Leste, Xefe Casa Civil hateten Francisco Maria de Vasconselhos hateten Prezidente Republika, Dr. Francisco Guterres Lu-Olo kompremete atu defende inkluzaun sosial no ekonomia liuhusi politika estadu, fo atensaun masimu ba kestaun juventude, igualdade feto ho mane, sustentabilidade ba dezenvolvimentu ekonomia.

Xefe Casa Sivil afirma inisiativa ne’e tuir lolos komprimisiu Prezidente da Republika nian iha tinan lima nia laran, no atu implementa inisiativa ne’e, mak ohin loron asina Memorandu Entendimentu entre Prezidensia Republika Demokratika Timor-Leste no Plan Internasional.

Francisco Maria de Vascoselhos deklara Timor-Leste nudar nasaun post-konflitu, esperiensia forma violensia oioin iha pasadu, aktus violensia ida ne’e fó impaktu makaas ba dezenvolvimentu fizika no psikolojia ema humanu nian, espesial ba grupu sira ne’ebe mak vulneravel, hanesan feto no labarik, sira hapara moris iha trauma seidauk rekupera total, ita tama kedas dezenvolvimentu nasaun nian, prosesu kanais instituisaun ne’e, obriga ita nia mental no fizika, atu aprende no adopta lalais situasaun ne’e. Iha parte ida hamosu rezultadu pozitivu, maibe iha parte seluk rezulta mos problema no dezafius barak iha ita nia sosiedade.

Nudar orgaun estadu, Xefe Casa Civil ne’ehateten, estadu iha dever atu investe iha programa, hodi hakotu siklu ida ne’e, liuhusi harii ambiente saudavel no livre husi violensia. Estadu no governu presija fo atensaun makaas ba programa protesaun no promosaun igualdade jeneru, espesial atu hakbiit labarik feto no feto em jeral  atu goza sira nia direitu ne’ebe konsagra ihaa konstituisaun RDTL artigu, 16, 17, no 18, hanesan instrumentu internasional sira hanesan, konvensaun Nasoens Unidas ba direitu labarik no konvensaun atu halakon diskriminsaun hotu-hotu hasoru feto.

Nia  sublinha dezenvolvimentu Timor-Leste Presija iha envolvimentu husi organizasaun hotu-hotu, inklui organizasaun sosiedade sira.

Xefe Casa Civil hateten asinatura Nota Entendimentu ida ne’e, hanesan asaun atu konkretiza komprimisiu parseria entre estadu no parte husi sosiedade sivil.

Xefe Casa Civil hateten Espoza Prezidente Repubilika ninia programa mak atu responde no habelar komprimisu politika Prezidente da Republika nian, hodi asegura no promove sosiedade inkluzaun no dezenvolvimentu sustentavel, hodi kontribui ba kresimentu ekonomia ne’ebe sustentavel, governasaun demokratika no bens estar sosial.

Iha fatin hanesan Diretora Plan Internasional, Dilliana Ximenes hateten Plan Internasiona Timor-Leste, hahu ninia operasaun TL iha tinan 2001, plan internasiona nia meta jeral mak, kria mundu meiu avansadu, hodi realiza direitu labarik no igualdade ba labarik feto.

“Plan internasional senti onra boot tebes, tanba bele hetan autorizasaun husi Prezidente da Republika relasiona ho ezpoza Prezidente da Republika ne’ebe mak sai Plan Internasiona nia embaixadora ba iha igualdade labarik feto, foku ba trava ka kaben sedu no isin rua sedu, no mos hapara violensia kontra labarik feto no foinsa’e feto sira”,  hateten Diretora Plan Internasional, Dilliana Ximenes iha palacio prezidensia, 30/06.

LEAVE A REPLY

Please enter your comment!
Please enter your name here