Reportajen estajiariu Filomena Da Conceição
La hakfodak bainhira lao iha Dili laran, iha estarda ninin, jardim sira sempre hasoru labarik sira hulan sira nia hahán ka aifuan ne’ebe sira budu, hodi faan netik, la hafokdak bainhira hasoru iha tempu loron ka kalan, maske dalaruma iha situasaun iha risku nia laran, ba sira mak loron ida bele hetan dollar ida, tanba dalan ne’e duni mak sira deside.
Has..has…tia..tiu..bin..maun hola has lai..ho oin namkurut karik tanba koleng, hamlaha no hamrok no karik has budu ne’ebe faan mos ema sedauk hola, maibe ho pasiénsia tenke kontinua lao ain hodi faan.
Cristiano Soares idade 14 nu’udar estudante husi eskola ensinu Basico Sentral 05 Manleuana, agora tur hela iha banku pre-sekundaria terseiro ano, bainhira sai eskola nia sempre ajuda nia mãe, hodi ba fa’an has budu, atu nune’e bele ajudu nesesidade familia, no mós bele hola nia sasan eskola nian.
Banhira sai eskola Cristiano lori nia has budu, tau iha balde mutin ida iha nia kabas leten, hodi lori husi hela fatin Manleu la’o too iha Largo Lecidere, maskè kolen maibé nia la’o nafatin nune’e ema bele hola netik nia has ne’ebé mak nia lori ne’e.
Iha tempu nia faan has budu, jornalista Estajiariu Neon Metin hakbesik ba Cristiano hodi dadalia konaba has ne’ebe nia faan, karik sin ou karik midar tanba kahur ona bumbu balun, hakarak hatene klean liután konaba Cristiano, nune jornalista komesa husu tuir serbisu ne’ebe halo. Ho kalma Cristiano hatan ajuda mae.
“Dader ba eskola, sai eskola maka ajuda mãe hodi lori has ne’e ba fa’an. Faan has ne’e hahú kedas iha eskola primaria to’o agora, sente kolen no loron manas maibé ida ne’e mak atividade loron-loron halo hodi ajuda mãe”, dehan Cristiano.
Nia dehan liuhusi faan has ida ne’e bele hetan osan, hodi ajuda mãe no bele hola sasan eskola nian hanesan pasta, kadernu, lapizeira no sapatu. Has budu ne’e Cristiano lori haleu husi Manleu ba Golgota, fila mai jardín 5 de Maiu, Palasio governu nia oin to’o iha Largo
“Hau sai eskola maka ba fa’an has, hau faan hahú husi tuku 01:00 loraik no fila uma iha tuku 6:00 loraik, maibé has ne’e hotu sedu, entaun hau fila uma sedu liu. Maskè to’o eskola kolen maibé ha’u fa’an nafatin. Has budu ne’ebè ha’u faan ida $0,10 cen, loron ida bele $11, 00 dolar, dalaruma hetan deit $6.00 dolar mai kraik,” nia haktuir.
