Home Notisia Press Day, Francisco: Garante Independensia Editorial, Labele Iha Intervensaun Politiku no Ekonomia

Press Day, Francisco: Garante Independensia Editorial, Labele Iha Intervensaun Politiku no Ekonomia

368
0
Prezidente Konsellu Administrasaun RTTL,ep, Francisco Gari da Silva. [Foto: Santina Lucia da Costa | 03.05.2020]

Reportazen Santina Lucia da Costa

Jornalista nia serbisu mos parte ida hosi determininasaun ba ukun rasik an, ho deit lapijeira no suratahan, jornalista sira koko atu buka lia los no luta ba direitus humanus durante iha tempu ukun kolonialismu.

Maske jornalista balun tenke hakotu sira nia vida, tanba sira aten brani hodi hakerek lia los, hodi brani hasoru buat la los iha sira nia oin,  tanba deit hakarak defende lia los.

Ohin loron iha mundu hasoru hela moras pandemia Covid-19, ne’ebe mak hadaet ona mai Timor-Leste, iha situasuan ne’e jornalista sira kontinua hatudu sira nia anten brani, hodi hakerek no publika informasaun loloos ba publiku atu asesu konaba Covid-19.

Maibe iha tempu hanesan jornalista balun hasoru problema, balun salario hetan kua hosi kompania ne’ebe mak nia serbisu ba, balun hasoru violensia iha fatin ne’ebe nia halo kobertura. Ida ne’e mak dezafiu ne’ebe jornalista sira hasoru.

Liu hosi konferensia imprensa ne’ebe organiza hosi Asosiasaun Jornalista Timor Lorosa’e (AJTL) relasiona onaho loron Liberdade Imprensa, Prezidente Konsellu Administrasaun RTTL,ep, Francisco Gari da Silva ba jornalista sira hateten, ohin ita hamutuk komemora loron Liberdade Imprensa no mundu tomak mos selebra, iha nasaun barak jornalista hasoru troturasaun tama komarka, tanba de’it sira nia serbisu atu publika informasaun ba sira nia sidadaun iha sira nia rai.

“Iha Timor-Leste ita mos iha hela prosesu dezenvolvimentu pais demokratiku, ita só iha prosesu ne’ebe mak sei presija partisipasaun ema hotu-hotu nian, liuliu atu apoiu ba Liberdade imprensa iha Timor-Leste”, hateten Francisco Gari da Silva ba jornalista sira iha Fundasaun Haburas, loron 3/5.

Prezidente Konsellu Administrasaun RTTL,ep hateten iha kazu lubuk ida akontese iha Timor-Leste, foin dadauk kolega jornalista ida iha Mota-Ain, universitariu ne’ebe mak eskola iha rai liur sira mai, sira halo asaun agresaun fiziku hasoru kolega jornalista ne’e, ida ne’e sinais, parte ida katak serbisu jornalista ne’e importante teb-tebes iha pais demokrasia nudar iis ba demokrasia Timor-Leste ninian.

Francisco da Silva haktuir atu garante independensia editorial, primeiru ita haree ita nia Lei Komunikasaun Sosial, iha ne’eba hatur tebes katak konsellu redasaun halo nia knaar labele iha intervensaun poder politiku no ekonomia, no mos iha poder sira seluk ne’ebe mak iha interese para influensia serbisu iha knaar jornalista nian. Jornalista sira halo sira nia serbisu tuir etika ne’ebe mak iha.

Print Friendly, PDF & Email

LEAVE A REPLY

Please enter your comment!
Please enter your name here