Reportazen Francisco JDA
Centru Integradu Jestaun Krize (CIJK) relata dadus kona ba moras Covid-19 iha Timor-Leste ne’ebe dadaun ne’e iha progresu, tanba ema nain 20 rekuperadu hosi isolamentu Centru Saude Vera Cruz
Liu hosi konferensia imprensa Portavoz CIJK, Dr. Sergio Lobo ba jornalista sira hateten teste laboratorio ne’ebe halo ona hamutuk 688 no konfirmadu nafatin 24, rekupera nain 20 inklui provavel 4 no ema ne’ebe dadaun ne’e sei iha isolamentu Vera Cruz hamutuk ema nain 8
Relasiona ho kazu negaticu hamutuk 533, kompara ho horseik iha 501, ba rezultadu negativu foun mai hosi hotel Novo Horizonte hamutuk 28 no hosi Liquisa nain 4 no restu sei hein rezultadu.
Konaba kazu foun no provavel ba loron 3 Maiu laiha, ema ne’ebe hein rezultadu teste hamutuk 131, inklui Liquisa nain 32.
Total ema iha kuarentena hamutuk 316, auto-kuarentena iha municipio ema nain 61. Total ema nain 41 mak iha kuarentena obrigatoriu iha municipio sira no iha Dili ema nain 214 mak iha kuarentena obrigatoriu.
Konaba profesional saude sira, Dr. Sergio Lobo informa katak total profesional saude sira iha kuarentena hamutuk 59, maibe ema nain 19 halo ona teste no rezultdu negativu dala rua tutuir malu no ema nain 40 mak iha kaurentena.
Total maluk sira ne’ebe passa ona loron 14 iha kuarentena hamutuk nain 1898 iha Dili no Municipio total 401.
