Home Notisia Covid-19, Jornalista Sira Hetan Apoiu Hosi UE no Camoes, I.P, Andrew: Garante...

Covid-19, Jornalista Sira Hetan Apoiu Hosi UE no Camoes, I.P, Andrew: Garante Povu Hetan Informasaun Los

311
0
Uniaun Europea no Camoes, I.P entrega simbolikamente apoiu ba jornalista sira. [Foto: Francisco JDA | 04.05.2020]

Reportazen Francisco JDA

Uniaun Europeia  (UE) no Camões anunsia pakote resposta ba krize atu proteje jornalista timoroan sira na’in 140 sira nia subsisténsia. 

 Uniaun Europea no Camoes I.P fo apoiu ba kustu komunikasaun sira ba jornalista timoroan sira. Apoiu ida ne’e halo pare ba estrutura hosi parseria Osan Povu Jere Ho Dia ba supervisaun finansa publiku.

Iha kontestu  COVID-19 no Estadu Emerjénsia iha Timor-Leste, Uniaun Europea hateten media sira iha papel importante tebes, atu garante diseminasaun atualizadu ba informasaun lós ba públiku. Jornalista sira iha funsaun importante tebes atu kombate pandemia globál ida ne’e.

Embaixador Uniaun Europea iha Timor-Leste, Andrew Jacobs ba jornalista sira hateten jornalista sira presiza halo relatóriu ida mak lós, atu kombate informasaun falsu barak mak sirkula kona-ba corona virus, espesialmente husi media sosiál.

“Ida ne’e aumenta inseguransa, ansiedade, prekonseitu no rasismu. Ita tenke serbisu hamutuk atu hapara ida ne’e. Agora importante liu jornalista sira halo sira nia serbisu ho liberdade no lós atu kontra informasaun la lós no notísia falsu, atu garante sidadaun sira hetan asesu ba informasaun importante no konfiansa”, hateten Andrew Jacob iha edifisiu Tatoli, IP 3/05.

Embaixador ne’e mos hateten maibe iha tempu ida mak presiza tebes jornalista sira, barak mak lakon sira nia rendimentu tamba iha korte ba saláriu sira no atrasu ba pagamentu sira, buat sira ne’e tamba redusaun ba ekonomia no restrisaun sira husi estadu de emerjénsia, tamba ida ne’e, atu marka loron Mundiál ba Liberdade Imprensa, Uniaun Europeia no Camões, I.P., ho akordu husi Asosiasaun Jornalista sira no Uniaun Jornalista sira Timor-Leste, bele fó dada’un ba jornalista sira hamutuk 84 pulsa ba telefone, pulsa 20 USD ba ema ida, atu ajuda selu internet no komunikasaun sira no maskara 250 mak importante tebes ba sira nia serbisu.

Iha fatin hanesan Prezidente Asosiasaun Jornalista Timor Lorosa’e (AJTL), Zevonia Vieira hateten iha situasaun ida ne’e, serbisu jornalista nian iha responsabilidade importante, atu hakerek no fó informasaun ne’ebé mak los, la’ós informasaun falsu ba ita nia audensia.

“Ita nafatin tuir kodigu etika jornalismu nian no tuir prinsipiu jornalismu katak ita nia ajuda audiensia ka populasaun atu komprende saida mak moras virus Corona, oinsa prevene an hosi moras ne’e no bele halo tuir medidas hosi Ministeriu Saude. Laos informa deit maibe tenke eduka audiensia liu hosi ita nia serbisu hanesan jornalista”, hateten Zevonia Vieira

Zevonia hatutan katak serbisu seluk ne’ebe presiza hakerek mak konaba stigma ka diskriminasaun hasoru maluk sira iha kuarentena, iha fatin izolamentu no professional saude sira. Presiza informa ba publiku atu labele halo stigma ka diskriminasaun hasoru maluk sira ne’e, presiza ajuda fo hanoin ba publiku atu fo soliedaridade ba sira, para sira mos sira sente seguru.

Hanoin hanesan hosi Prezidente Timor-Leste Press Unioun [TLPU], Manuel Pinto hateten TLPU no AJTL hato’o agradese ba apoio hosi Uniaun Europeia no Institute Camoes, tanba bele apoiu serbisu jornalista sira nian iha situasaun Covid-19 iha Timor-Leste.

“La hare ba valor maibe konsinte katat parte ida hosi kontribuisaun atu hadia ba konsensializa publiku sira, liu hosi jornalista sira nia knaar oinsa mak ema bele preven an hosi Covid-19”, hateten Manuel Pinto

Apoiu ne’ebe mak Uniaun Europea no Camoes I.P oferese liu hosi projetu Osan Povu Nian Jere Ho Diak sei kontinua ba fulan 3 tuir mai.

Print Friendly, PDF & Email

LEAVE A REPLY

Please enter your comment!
Please enter your name here