Home Notisia HASATIL: Orsamentu Ba Atividade Asesu Merkadu no Valores Akresentadu 2% Deit

HASATIL: Orsamentu Ba Atividade Asesu Merkadu no Valores Akresentadu 2% Deit

269
0
FONGTIL ho HASATIL iha konferensia imprensa. [Foto: Francisco JDA | 09.12.2020]

Reportazen Francisco JDA

Parte programa nian kuaze 34% hosi orsamentu MAP no aloka ba programa boa governasaun ho jestaun instituisional 35%. Hosi alokasaun hirak ne’e asesu ba merkadu no valores akresentadu 2% deit, katak la fo vantagen ba MAP nia objetivu, atu hasae produsaun no rendimentu agrikultór sira nian, ho modelu sira hanesan ne’e mak Timor-Leste nia produsaun la sae ho signifikante.

Hametin Agrikultutra Sustentavel Timor Lorosa’e (HASATIL) hatama ona submisaun ba Parlamentu Nasional relasiona ho diskusaun Orsamentu Jeral Estadu 2021 (OJE) ho montante osan biliaun $1.895 no orsamentu ba Ministeriu Agrikultura ho montante $31.964 tanba nee, liu hosi media briefing HASATIL husu Ministeriu Agrikultura Peska (MAP) atu halo klarifikasaun alokasaun ba atividade asesu merkadu no valores akresentadu ne’ebe kiik tebes.

Peskiza OXFAM 2019 hatudu katak agrikultura sira sempre halerik kona ba merkadu ba sira nia produtu no relatóriu impaktu COVIDa-19 maioria agrikultór nia rendimentu  mak tun makaas

Tuir Peskizador Asuntu Agrikultura no Rai, Mariano Fereira hateten proposta OJE MAP 2021 orsamentu boot liu ba Bens Servisu hamutuk $14.5 miliaun no saláriu vensimentu $4.1 miliaun, signifika osan ne’e gasta boot liu ba funsionamentu instituisaun no bele implika ba programa agrikultura nian.

Peskizador ne’e informa parte programa nian kuaze 34% hosi orsamentu MAP no aloka ba programa boa governasaun ho jestaun instituisional 35%. Hosi alokasaun hirak ne’e asesu ba merkadu no valores akresentadu 2% deit, katak la fo vantagen ba MAP nia objetivu, atu hasae produsaun no rendimentu agrikultór sira nian, ho modelu sira hanesan ne’e mak Timor-Leste nia produsaun la sae ho signifikante.

Mariano Fereira nota katak forsa de trabalho iha MAP ba 2021 hamutuk 1,153, numeru funsionáriu liu rihun,tuir  lolos implementa programa ho diak maibé realidade laiha. MAP iha dezafiu mak oinsá hasae produtividade no efisiénsia serbisu hodi atinji objetivu

Peskizador hosi La’o Hamutuk ne’e sujere atu foka ba prioridade hanesan hadia irigasaun, suporta família agrikultór, kria kondisaun agrikultór, akompanha agrikultór nia prosesu produsaun no suporta agrikultór ba indústria transformadór ba asesu merkadu.

“Kria kondisaun atu agrikultór sira iha asesu ba fini ne’ebe diak, molok tempu kultivasaun nian no presiza habokur rai no hasae produsaun, liuliu pupuk orgániku sira, kria mos kondisaun ba sira ne’ebe hakiak animal no peska, akompanha prosesu produsaun atu ajuda sira lalais bainhira hasoru problema moras ka peste ba aihoris no mos animal”, hateten Peskizador asuntu Agrikultura no Rai Mariano Fereira, iha salaun FONGTIL, 09/12.

Iha Fatin hanesan Diretor Executivu FONGTIL, Daniel dos Santos akresetanta katak industria tranformadora ne’e importante, tanba Timor-Leste iha ai fuan barak, ai-han barak bele konserva no rai ba tempu naruk. FONGTIL eziji governu atu kreativu halo atividade sira ne’e.

Print Friendly, PDF & Email

LEAVE A REPLY

Please enter your comment!
Please enter your name here