Home Notisia Sergio: Konsolida Estadu Luta Kombate Korupsaun Iha Surtu COVID-19

Sergio: Konsolida Estadu Luta Kombate Korupsaun Iha Surtu COVID-19

292
0
Komisariu KAK, Ministru Prezidénsia no Konsellu Ministru, Prezidente CNE iha seminariu loron anti korupsaun. [Foto: Adroaldo | 09.12.2020]

Reportazen Adroaldo ‘Saretukau’

Iha ámbitu komemorasaun loron mundial kontra korupsaun ne’ebé monu iha loron 9 Dezembru, Comissão Anti Corrupção (CAC), selebra loron Kontra Korupsaun liu hosi semináriu ho tema “Hasa’e Koñesimentu Ajente Públiku Konabá Lei Medidas Prevensaun No Kombate Korrupsaun”.

Iha diskursu Komisáriu Nasional Anti Korupsaun, Sérgio de J. F. da C. Hornai hateten nasaun hotu selebra loron importante ida ne’e, ho objetivu oinsá atu konsolida estadu hodi luta ba kombate korupsaun.

Nia dehan loron ba loron instituisaun ida ne’e sólidu no metin ba bei-beik, “ita hotu tama ba poder ida, atu bele serbisu hamutuk. Iha tinan ida ne’e mensajen hosi Sekretáriu Jeral Organizasaun Nasoen Unidas (ONU) nian, husik hela lia-fuan xave importante rua ba estadu hotu iha situasaun Pandemia COVID-19 liga ho korupsaun.

“Hametin no oinsá aselera prosesu sira, liu-liu ba iha kooperasaun ba situasaun krize mundial ida ne’e, ne’ebé internasionalmente ita hotu hasoru, oinsá ita buka no konsolida ita nia forsa hotu atu bele ultrapasa situasaun krize saúde públiku ida ne’e”, Komisáriu Sérgio hato’o iha ámbitu komemorasaun loron mundial anti korupsaun, iha Salaun Lalini, CNE, 9/12.

Nia hatutan hahú iha Marsu tinan ida ne’e ita hasoru kedas situasaun ida ne’e, nune’e mensajen ida ne’e hato’o hela mai ita katak estadu iha obrigasaun atu tau atensaun di’ak ba situasaun refere.

“Estadu iha obrigasaun para atu bele halo presekusaun atu kontrola ida ne’e, tantu iha planu, program, ezekusaun, orsamentu sira ne’ebé ho lia-fuan Sekretáriu Jeral ONU husik hela mak hametin integridade estadu nian, iha ni-nia ezekusaun sira, tanba osan ne’ebé tama mai, ida ne’e atu destina duni ba iha povu nia interese, liu-liu atu halo akizisaun ba iha ekipamentu sira, medikamentu ni-nian hodi bele hatan ba preokupasaun saúde públiku ni-nian,” hateten Komisaun CAC

Tanba ne’e nia dehan governu tenki entende di-diak situasaun Pandemia COVID-19 nian sai hanesan ameasa ida iha sosiedade tomak, ba iha saúde públiku no ekonomia nian, tenki kuidadu hodi haree ba situasaun hirak ne’e.

Iha fatin hanesan Ministru Prezidénsia no Konsellu Ministru, Fidelis Leite Magalhães hateten preokupasaun prespektiva VIII Governu Konstitusional nian, liu-liu konabá moras hada’et COVID-19, ne’ebé kona mundu tomak, inklui Timor-Leste, hodi koko atu kombate iha korupsaun.

“Ha’u nia prezensa atu hatudu polítika no vontade polítika hanesan governu, atu halo ami nia parte hanesan iha luta ida ne’e no atu garante apoiu ne’ebé nesesáriu ba CAC no kolabarosaun institusional no entidade sira seluk ne’ebé iha relasaun, hodi luta kontra korupsaun ne’e”, hatten Ministru Fidelis.

Nia dehan tau mos intensifikasaun ba aktividade CAC nian iha nia misaun, atu atua hodi prevene no  hapara aktu korupsaun iha forma oi-oin.

Ministru konklui katak saudasaun ba membru sira, funsionariu sira CAC nian hodi iha nafatin aten brani, hodi mantein iha sira nia funsaun liu hosi Komisáriu Sr. Hornai, atu nune’e instituisaun CAC tomak kontinua nafatin ho ami ho konfiansa tomak.

Print Friendly, PDF & Email

LEAVE A REPLY

Please enter your comment!
Please enter your name here