Reportajen Silvino Freitas
Durante periodu semana ida iha loron ikus tinan 2025 no inisiu tinan 2026 autoridade seguransa husi Ministeriu Interior (MI) rejista kazu insidente 77 ho aktus krime 88 no asidente 17 ema nain 4 lakon vida, nunee insidente no asidente nee maioria iha munisipiu Dili.
Portavoz MI Suprentidente Asistente Polisia Mouzinho Correia dehan, seguransa ordem publika timor leste husi period 29 dezembru 2025 too 4 Janeiru 2026 situasaun lao diak maezmu akontese insidente no asidente balun maibe la perturba situasun ordem publika iha rai laran tanba ho esforsu husi autoridade seguransa no servisu hamutuk ho komunidade sira joven estudante no ema hotu sidadaun hotu, nunee tuir sistema jestaun insidente PNTL nian rejsitu katak hahu husi loron 29 dezembru 2025 too 4 janeiru 2026 rejista 77 insidente husi insidente nee rejista 88 aktus krimes.
“ita haree ba insidente neebe barak liu tama ba top 5 hanesan asaltu 42, violensia domestika 20, arma branka 4, asaltu seksual 2, burla 2 insidente 5 nee maka okupa fatin dahuluk iha top 5 iha periodo neebe hau temi” dehan Portavoz MI Suprentidente Asistente Polisia Mouzinho Correia, liuhusi konferensia imprensa iha MI Kaikoli, (08/01).
Nia dehan tan, insidente sira neebe rejista barak liu iha munisipiu dili baucau manufahi vikeke no lautem, nunee husi insidente hamosu 88 aktus krime maka ofensa ba integridade fizika simples 39, maus tratu ba konjuje 10, danu simples 5, danu ho violensia 5, ofensa ba integridade fizika makaas 3 nunee munisipiu dili nafatin rejista kazu krime barak liu kompara ho munisipiu sira seluk, nunee mos durante periodu refere rejista mos asidente neebe sae makaas ho total 17 asidente neebe rejulta ema nain 4 lakon vida, kanek todan 3, kanek kmaan 23.
“Ministeriu Interior mos hatama reseita balun ba estadu maka reseita husi postu integradu sira no koima husi infrasaun kodigu estrada nian neebe hamutuk $70,000 enkuantu iha preodu refere mos iha movimentu neebe ema tama sai teritoriu nasional timor leste hamutuk 44,542 ema tama 21,959 feto 97,24 mane 9,985 ema sai 22,585 feto 9,985 mane 12,600” konklui Portavoz MI Suprentidente Asistente Polisia Mouzinho Correia.
