Home Notisia PR Agradese Ba VIII Governu Halo Esforsu Ho Instituisaun Sira Ba Prevensaun...

PR Agradese Ba VIII Governu Halo Esforsu Ho Instituisaun Sira Ba Prevensaun Covid-19

251
0
Prezidente da Republika, Dr. Francisco Guterres Lu Olo. [Foto: Santina Lucia da Costa | 20.05.2020]

Reportazen Zevonia Vieira

Relasiona ho moras Pandemia Covid-19 ne’ebe efeta mundu tomak, inklui Timor-Leste, liu hosi mesajen ba loron 20 de Maiu nudar loron Restaurasaun Independensia Timor-Leste ba dala 18, Prezidente da Republika hatoo sentimentu orgullhu tanba ema sira positivu Covid-19 rekuperadu hotu, maibe tenke prevene an nafatin

Prezidente Republika, Dr. Francisco Guterres Lu-Olo hateten ho Estadu Emerjénsia fó biban ba ita-nia sistema saúde nasionál, hodi hasoru pandemia ida ne’e. Governu foti medida oioin, inklui taka fronteira no harii fatin ba kuarentena no ba izolamentu, enkuantu ekipa oioin hanorin ita-nia ema oinsá hasees-an husi moras COVID-19. To’ o ohin loron seidauk rejista, kazu ruma ne’ebé mate tanba COVID-19.

Prezidente Republika hateten Governu Konstitusionál Daualu ne’ebé lidera husi S.E. Primeiru-Ministru Taur Matan Ruak halo esforsu konsertadu no servisu hamutuk ho instituisaun hotu-hotu, tékniku Timor-oan sira no internasionál, konfisaun relijiozu hotu, sosiedade sivíl tomak no Povu en-jerál hodi prevene moras COVID-19 la hada’et ba ita-nia populasaun.

“Susesu iha faze ida ne’e fó orgullu ba ita hotu timoroan ne’ebé hadomi ita-nia rai no ita-nia Povu.” tenik Prezidente Republika, Francisco Guterres “Lu-Olo” ba Jornalista sira liuhusi Mensajen selebra 20 maiu 2020, iha Palasiu Prezidensial, Aitarak-Laran, 20/5.

Lu Olo hateten semana oin estadu emerjénsia ba daruak sei ramata, maibe Prezidente-Repúblika hakarak fó hanoin fila-fali alerta ne’ebé Organizasaun Mundiál Saúde fó-sai katak vírus Corona ne’e sei la lakon iha tempu badak. “Ita tenke matan-moris nafatin, liuliu tamba seidauk iha vasina atu ida-idak bele hasees-an husi moras COVID-19”.

Print Friendly, PDF & Email

LEAVE A REPLY

Please enter your comment!
Please enter your name here