Home Notisia Vice Ministru Estatal, Abilio Caetano: Prosesu Rekoila Ficha Familia Hotu Ona, Proseu...

Vice Ministru Estatal, Abilio Caetano: Prosesu Rekoila Ficha Familia Hotu Ona, Proseu Pagamentu Identifikadu

1645
0
Vice Ministru Estatal, Abilio J. Caetano, informa ba media kona ba apoio monetaria $100 ba familia sira (Foto: Shanti LDA)

Reportajen Santina LDA

Relasiona ho apoio monetaria $100 dollar ba kada uma kain, iha Estadu Emerjensia, Xefe Suku no Xefe Aldeia sira rekolha hotu ona ficha familia. Hatama ona horseik ba Ministru Administrasaun Estatal. Aban, Vice-Ministru Estatal sei enkontru ho administrador munisipiu sira.

“Prosesu rekoila ficha familia, rekolla hotu ona. Ohin sira lori ona mai. Rekoila ficha familia ne’e laos buat kiik ida. Durante ne’e ita boot sira rona katak pagamentu idozus, terseira idade no seluk tan mos dalaruma sei failha, sera ke agora, 204.000 familias,  tuir tinan 2015 sensus familia nian. Agora husi 2015 to’o agora seidauk sura familias foun ne’ebe mosu, ne’ebe rekolha ficha familia ne’e laos buat fasil, ” Hateten Vise-Ministru Administrasaun Estatal, Abilio Jose Caetano ba Jornalista sira iha Ministeriu Negosiu Estranjeiru no Koperasaun, loron, 7/5.

 Vise-Ministru Administrasaun Estatal, Abilio Jose Caetano dehan, Xefe Suku no Xefe Aldeia sira halo ona esforsu, horseik balun lori mai ona, no aban ami halo enkontru ida ho Administrador Munisipiu sira, ne’ebe ficha familiar ne’e iha nivel munisipal, nivel postu administrativu, nivel suku, nivel aldeia sira hala’o hela.

“Prosesu sira ne’e kuandu los ona, Ministeriu Solidariedade Sosial (MSSI) sei halo pedidu ba Ministeriu Finansas, depois osan ne’e sei transfere tuir numeru de familias iha kada Munisipius. Depois to’o iha Munisipiu osan ne’e sei transfere ba konta bankaria kada suku tuir lista ne’ebe ita nia Xefe Suku no Xefe Aldeia sira haruka mai, ” Hatutan Abilio Jose Caetano.

Apoio monetariu sei halo bazeia ba Dekretu Lei no. 15/2020, 30 Abril. Apoio ne’e atu hakmaan impaktu hosi COVID-19 ba familia sira mak temi iha dekretu lei nia laran. Lei ne’e mos hatete katak pagamentu monetariu sei la fo ba familia ne’ebe manan osan boot liu $500.

LEAVE A REPLY

Please enter your comment!
Please enter your name here