Home Notisia CNC Assina Nota Kooperasaun Ho RTTL,Ep Hodi Publika Istoria Passadu Iha RTTL

CNC Assina Nota Kooperasaun Ho RTTL,Ep Hodi Publika Istoria Passadu Iha RTTL

733
0
RTTL ho CNC asina Nota Kooperasaun. [foto: Silvino | 29.03.2022]

Reportajen Sivlino Freitas

Centro Nasional Chega(CNC) ssina Nota Kooperasaun ho Radio Televizaun Timor Leste(RTTL,Ep) nunee bele hetan espasu hodi publikasaun no habelar historia passadu nian iha luta ba ukun-rasik an.

Tuir Diretor Exekutivu CNC ,Hugo Fernandes hateten kooperasaun ne’ebé halo ho RTTL nia iha signifikante tebes tamba atu fo introdusaun ba istoria passadu nian, introdusaun sira iha dalan formal iha ambitu ensinu eskolar nian menus tebes depois timor ukun an iha tinan ruanulu nia laran kontinua aprende de’it historia iha uma laran.

“Istoria barak liu ita aprende de’it iha uma laran liu liu iha eventu demokratiku sira iha tempu kampaiña ita nia autor sira konta sira nia historia” dehan Diretor Executivu CNC, iha salaun CNC Balide,(28/03).

Tuir nia CNC nuudar instituisaun publiku ho mandatu ida atu nasionaliza no internasionaliza komponente importante iha ita nia nasaun mak ita nia istoria, liu hosi kooperasaun ida ne’e kontente no iha signifikante boot entre CNC no RTTL,Ep nuudar instituisaun estatal hosi kooperasaun ida ne’e bele fahe rekursu ne’ebé iha liu liu rekursu estadu nian, hodi bele responde ba situasaun urjente ne’ebé ita nia jerasaun foun ultrapasa.

“Kooperasaun ida ne’e kontinuasun ba kooperasaun ne’ebé lao tiha ona, CNC sei fo nafatin ami nia kbiit tomak hodi fo memoria passadu mak iha, maibe importante liu mak memoria nee atu husik hela esperansa ba jerasaun foun sira, nunee bele mos fo hanoin ba jerasaun tuan sira katak passadu ne’e ema hotu nian no presiza hametin no habelar ba jerasaun sira oin mai” nia esplika.

Nia dehan kooperasaun ne’e atu liga liu ba publikasaun talk-show live iha CNC ho mos produsaun sira seluk ne’ebé CNC prepara ona iha video-spot kona ba eventu sira, sobrevivente ho mos video animasaun iha formatu kartun.

Fatin hanesan Prezidente Konsellu Administrasaun RTTL, Ep Jose Antonio Belo hateten kooperasaun ida ne’e  momentu ida importante atu bele fo sai historia ba jerasaun foun sira, atu bele disidi no ajuda fo sai ba populasaun sira kona ba ita nia historia rasik, ema ida ho historia ida maibe barak tebes mak seidauk konsege rekolla hotu.

“Iha RTTL sei iha espasu boot ne’ebé la utiliza, ami iha kapasidade uituan ne’ebé iha maibe la konsege kobre hotu loron ida ami uza 18 horas de’it sei iha 6 horas ne’ebé livre hela” dehan PKA RTTL José Belo iha CNC Balide, (28/03).

Nia konklui katak iha kooperasaun ida ne’e atu fo espasu ba ema idak-idak bele konta nia historia, hodi bele fo sai iha RTTL.

Print Friendly, PDF & Email

LEAVE A REPLY

Please enter your comment!
Please enter your name here