Home Notisia COVID-19, Lere: Ema Tama Ilegal Tenke Kriminaliza Tanba Ne’e Krimi

COVID-19, Lere: Ema Tama Ilegal Tenke Kriminaliza Tanba Ne’e Krimi

350
0
Xefe Estadu Maiór Jenerál F-FDTL, Major Jeneral Lere Anan Timur, Xefe Estadu Maiór Brigadeiro, Falur Rate Laek no Xefe Estadu Maiór Coronel Coliati

Reportazen Santina Lucia da Costa

Xefe Estadu Maiór Jenerál FALINTIL- Forsas Defeza Timor-Leste (F-FDTL), Major Jeneral Lere Anan Timur, hamutuk ho Xefe Estadu Maiór Brigadeiro, Falur Rate Laek no Xefe Estadu Maiór Coronel Coliati, halo enkontru ho Prezidente Republika, Dr. Francisco Guterres Lu-Olo hodi relata situasaun militar, politika no atividades Forsas Armadas nian.

Hafoin enkontru Major Lere Anan Timur ba jornalista sira hateten situasaun rai laran lao diak, atividade forsas armadas lao normal no liu-liu linha fronteira ba seguransa hamutuk ho Unidade Patrullamentu Fronteira (UPF).

Kona-ba seguransa iha Fronteira Xefe Estadu Maiór F-FDTL hateten seguransa iha fronteira liuliu prevensaun COVID-19 ne’e laos misaun sira nian, maibé bazeia ba diretiva konjunta komandu rua kona-ba seguransa, ida ne’e mak sira inklui mós kona-ba prevensaun COVID-19.

“Iha ami nia postus iha fronteira, liuliu forsas armadas nian postu tolu ka haat no aban bainrua ami sei aumenta tan postu rua, atu bele asegura ita nia fronteira”, haktuir Lere Anan Timur ba jornalista sira iha Palasiu Prezidensial Nicolau-Lobato, 13/01.

Major Jeneral husu ba governu tenki iha vontade politika, iha korespondensia ho esforsu hirak ne’e,  kuandu atraveza ilegalmente ne’e tenki kriminaliza, tanba ne’e krimi ne’ebé sira komete, tanba lori mate ne’e vida umana. por ezemplu, foin dadauk kazal ida ne’ebé lori mai iha Dili, liu tiha loron tolu ka haat mak hetan ne’e tenki kriminaliza kazal ne’e, tanba nia lori moras mai”.

Lere dehan kona-ba serbisu F-FDTL nian, Prezidente Republika, Dr. Francisco Guterres Lu-Olo fó mensajen ba Forsas Armadas atu kumpri lei no konstituisaun,  kumpri dever ho misaun ne’ebé hakerek iha konstituisaun.

Print Friendly, PDF & Email

LEAVE A REPLY

Please enter your comment!
Please enter your name here