Reportajen David da Costa Gusmao
Kandidatu Prezidente da Republika (PR) Virgílio Da Silva Guterres “Lamukan” ho númeru Sorteiu 12, ne’e husu ba kandidatu nain rua, se maka sai elitu ba Prezidente da republika (RP) Labele fo indultu ba pedófilu no estuprador/pemerkosa sira.
“Ba Dr. José Ramos Horta no Dr. Francisco Guterres Lu-Olo, Se de’it mak ikusmai eleitu nu’udar Prezidente Republika, ha’u reitera ha’u nia mensagem politika iha kampaíña. Chega! ho Vingansa Politika! Chega ho selok-malu! Labele fó indultu ba pedófilu no estuprador/pemerkosa sira!,” kandiatu PR periodu 2022-2027 ne’e, husu ba kandidatu na’in rua, iha nia ofisial facebook Gill Bolale ohin, ne’ebé neonmetin asesu iha Tersa 22/03.
Nune’e sai Prezidemte tenki halo esforsu promove dialogu hodi harmoniza sosiedade no reintegra komunidade ne’ebé nakfahe-an ba tendensia sosiu-politika oinoin tanba konflitu politik naruk.
No Ba jerasaun tuan sira, iha necessidade urjente atu tuur-hamutuk buka dalan rezolve problema residual sira hosi konflitu funu maun-alin 1974-1975 no diferensa hanoin konaba estratéjia no diresaun Luta Libertasaun nian. Konflitu no diferensa ne’ebé sei influensia narrativa politika sira iha debate politika, inklui iha kampaíña eleitoral sira.
“Independensia tenki sai biban atu konkretiza ita nia mehi. Mehi atu halo Timor-Leste Ida Fraternu Liu tuir vizaun Estado Republika Demokratika Timor-Leste ne’ebé hakerek ona iha ita nia Konstituisaun. Vizaun nebe Asswa’in Nicolau Lobato formula ho liafuan,” nia dehan.
Da fronteira à Lautem, de Oecusse à Jaco passando pelo Atauro, um só território, uno e indivisível, uma só Nação, uma só Pátria, um só povo com um só sentir, um só pensar, e um só desejo: Libertação da Pátria e Libertação do Povo!.
