Reportajen David da Costa Gusmao
Kandidatu Prezidente da Republika (PR) Virgílio Da Silva Guterres “Lamukan” ho númeru Sorteiu 12, fó parabens ba kandidatu na’in rua hanesan José Ramos Horta ho Francisco Guterres Lu-Olo ne’ebé maka konkista votu maioria husi eleitores sira.
Kandidatu ne’e dehan, Povu Timor-Lorosa’e deside ona! Maski ho taxa partisipasaun ne’ebé kiik-liu periode eleitoral sira uluk, votasaun remata ona. Comissão Nacional de Eleições (CNE), fo sai ona rezultadu final prosesu apuramentu. Rezultadu ne’ebé hatudu kandidatu na’in rua ne’ebé hetan votu barak liu sei kompete iha eleisaun volta daruak.
“Parabens ba Dr. José Ramos Horta ho Dr. Francisco Guterres Lu-Olo nebe konkista voto maioria husi eleitoradu sira. Maioria nebe halo sira elegível ba volta daruak. Ha’u nia votus Continuação de boa e saudável campaîña para a Segunda Ronda!,” kandiatu PR periodu 2022-2027 ne’e, Fó parabens ba kandidatu na’in rua ne’e, iha nia ofisial facebook Gill Bolale ohin, ne’ebé neonmetin asesu iha Tersa 22/03.
Tuir dadus hosi Sekretariu Tékniku Administrasaun Eleitorál (STAE) kandidatu Prezidente Repúblika (PR) Jose Ramos Horta, ne’ebé apoiu hosi CNRT hetan votu 301,481 (46,58%), kandidatu hosi FRETILIN Francisco Gutrres Lú Olo hetan votu 143,408 (22,16%), kandidata hosi KHUNTO Armanda Berta dos Santos iha votu 56,289 (8,70%), kandidatu indepeden Lere Anan Timur hetan votu hamutuk 48,959 (7,57%), no kandidatu PD, Mariano Assanami Sabino hetan votu 47,008 (7,26%), no tuir tan maka kandidatu husi Partidu PDRT Anacleto Bento Ferreira hetan votu 13,059 (2,02%).
Entertantu kandidatu indepeden ne’ebe apoiu hosi PUDD Martinho Gusmão hetan votu 8,485 (1,31%), kandidatu Hermes Barros 7958 (1,23%), kandidata Maria Helena Pires hetan votu 5335 (0,82%), kandidata Isabel Ferreira hetan votu 4165 (0,64%), kandidatu Felisberto Duarte 2,715 (0,40%), Constâncio Pinto 2474 (0,38%), Rogério Lobato 2028 (0,31%),kandidatu Virgílio Guterres 1685 (0,26%), Antero Bendito da Silva 1531 (0,24%) no ikus kandidata Maria Angela Freitas ho votu 692 (0,91%).
No totál elitores ne’ebe maka rejistu hosi baze de dados STAE nian hamutu 859,613, hosi numeru elitor ne’ebe partesia iha elisaun hodi ezerse direitu votu iha eleisaun prezidensiál iha Teritoriu Timor-Laran hamutuk na’in 664,106, ho taxa partisipasaun iha (77,26%), hosi total lista eleitór mane 341,746 (51,44%) no feto 322,460 (48,56%). No elitores ne’ebe la partesipa iha elisaun prezidensiál hamutuk 195, 507 (22,74%).
Nune’e mos votu validu 647,172 no taxa partesipasaun (97,46%), votu branku iha 3776 (0,50%), votu nulu iha 12,706 (1,91%), votu reklamadu 437 (0,07%), votu rezeitadu iha 60 (0,01%) no ikus liu maka voletin votus abandonadu iha 55 (0,01%).
Nune’e mós kandidatu ne’e husu Orgaun eleitoral, CNE ho STAE, tenki halo esforsu maka’as liutan hodi hadi’a mekanismu no prosedimentu sira ne’ébe durante ne’e falha, liliu esforsu sira ne’ebe atu garante sidadaun/eleitor hotu hodi bele ezerse sira nia direitu. Taxa partisipasaun ne’ébe minimu sai alarme emerjensia ida ba orgaun eleitoral sira atu hadi’a-an.
