Home Saude Ambulansia iha Iliomar Laiha, KIO: Labele Halo Diskriminasaun Tanba Prejudika Ema nia...

Ambulansia iha Iliomar Laiha, KIO: Labele Halo Diskriminasaun Tanba Prejudika Ema nia Vida

511
0
Klibur Iliomar Oan (KIO) halo konferensia imprensa. [Foto: Francisco JDA | 30.07.2020]

Reportazen Francisco JDA

Klibur Iliomar Oan (KIO) halo konferensia imprensa relasiona ho Ambulansia mutin ne’ebé durante ne’e at ka avaria, iha postu Saúde Iliomar, hodi tula moras sira ba hospital Lautém, tanba iha 2019 Eis Vise Ministra Saúde Dra.Elia Amaral halo vizita ida ba postu Saúde Iliomar, hodi promete atu haruka Ambulansia ida ba Iliomar, maibé ikus ambulansia refere la ba to’o iha Postu Saúde Iliomar, maibé ba fali postu Saúde Luro.  

Ho razaun ne’e Klibur Iliomar Oan husu Ministra Saúde Atual Dra. Odete Belo atu loke prosesu investigasaun ba estrutura saúde Municipiu Lautém, ba diresaun ambulansia nian,  atu hetan justifikasaun relasiona ho ambulansia refere.

Porta Voz Klibur Iliomar Oan ba jornalista sira husu Diresaun Saúde Municipiu Lautem hasoru Komunidade Postu Iliomar, tanba  deklarasaun ne’ebé asesu liu hosi jornál entrega ambulansia ba municipiu sira, lolos ne’e ba sentru saúde Iliomar maibé entrega fali ba Luro.

“Tuir Jornál ne’ebé ami asesu Eis Vise Ministra Dra Elia Dos Reis iha altura ne’ebá nia hare direitamente kondisaun ambulansia multifungsaun ne’ebé mak labele halo movimentasaun, halo taransferensia moras hosi Iliomar ba municipiu, iha momentu ne’ebá iha kedas ambulansia 14 mak distribui ba municipiu sira. Municipiu Lautém nian atu integra ba centru saúde Iliomar, tanba ne’e mak ami hakarak ezise labele halo diskriminasaun”, deklara Porta Voz Klibur Iliomar Oan iha Peace Coffe, Audian, 30/07

Porta Voz Klibur Iliomar Oan reforsa tan, dadaun ne’e Centru Saúde Iliomar rasik la iha ambulansia no ema moras hamutuk nain 32 uza transporte privadu, balun vitima tanba la iha transporte privadu, husu estrutura Postu Saúde Municipiu Lautém  para ona aktu diskriminator ne’ebé hasoru komunidade Iliomar, tanba prejudika ba komunidade nia vida.

Bainhira nutisia ne’e hasae, Neon Metin sedauk halo konfirmasaun ho Centru Saude Municipiu Lautem.

LEAVE A REPLY

Please enter your comment!
Please enter your name here