Reprotajen estajiariu Filomena da Consição
Prezidente Partidu Sosialista Timorense Avelino Coelho hateten, Nasaun Timor-Leste hanesan nasaun estadu Direitu demokratiku, siginifika lei ne’e aas liu ema hotu, no ema hotu moris tenke iha lei nia okos, tantu iha rasa ka kargu mós tenke iha lei nia okos, ida ne’e maka bolu estadu direitu demokrasia.
Nia dehan tanba iha artigu 2 ko’alia mós kona-ba soberania do povu no iha artigu 72 haklean liu tan katak nain ba ukun rai ne’e mak povu, kompostu husi politika nain no inan ama sira iha foho no joventude sira.
“Ita nia estadu RDTL hanesan estadu de direitu demokratiku signfika katak lei aas liu ema hotu-hotu no ema hotu moris iha lei nia okos, tantu rasa ka kargu hotu-hotu iha lei nia okos, ne’e mak bolu estadu de direitu, demokratiku, Ita mak nain ba ukun rai ida ne’e,” hateten Avelino banhira sai Oradór iha seminariu Nacionál ho tema “Hamutuk ho Frente Urbana” ita Konstrui Nasaun Nakonu ho Esperansa ba Futuru, iha salaun CNE, 11/10.
Nia haktuir Timor-Leste iha frente tolu iha tempu resistensia nian maka frente klandestina, Frente Diplomatika, frente Armada,no jovens sira lubuk ida iha konsesnia no motivu ida katak atu liberta povu, tanba ne’e sira hola parte ona iha frente klandestina ho nune’e luta ba rai ida ne’e.
Nune’e mós iha Frente Urbana, matenek nain ida dehan hanesan ne’e luta iha sidade ne’e mak ema bolu frente urbana, frente Urbana mosu atu halibur ema hotu maibe idenpendentemente se apoiu, semotiva no sé mak istimoda parabens ba hotu-hotu ne’ebé halibur malu ona iha iha Frente Urbana
“Ita iha frente tolu, urbana iha tempu resistensia Joven lubuk ida iha motivu ho situasaun objetivu ne’ebé ho konsiensia ida katak atu liberta povu tanba ne’e sira hola parte ona iha frente klandestina ho nune’e luta ba rai ida ne’e iha frente tolu ba frente klandestina, Frente Diplomatika, frente Armada. Tanba ne’e, frente urbana mosu atu halibur ema hotu, ka matenek nain balun dehan luta iha sidade,” nia esplika.
Iha fatin hanesan Juventude rezisténsia, José Manuel Fernandes “Nakfilak” hateten mesmu idade ki’ik maibé hamutuk ho joventude sira seluk iha mehi boot, hodi luta ho objetivu ida katak atu kore povu Timor ida ne’e hodi hetan Liberdade.
“Ami iha frente urbana mesmu ke metan mais vizuivel iha asaun, ami la subar ami hatene oinsá partisipa iha funu ne’e ho idade ne’ebé mak mamar tebes, Ami iha mehi boot ida oinsá atu kore povu ida ne’e, jerasaun ida ne’e hau bolu reasaun arkitetu mós ba edifikasaun do estadu Republika Demokratika Timor-Leste porque 74-75 kuandu hahú funu, sira iha tempu ne’eba 30 anos ne’e mak katuas Xavier de’it restu husi 30 anos mai kraik,” haktuir José.
