Home Notisia Primeiru Ministru Fiar Governante Foun nain 4 Resolve Dezafiu Sira

Primeiru Ministru Fiar Governante Foun nain 4 Resolve Dezafiu Sira

421
0
Primeiru Ministru Taur Matan Ruak. [Foto: Santina | 22.07.2021]

Reportajen Francisco Colo

Primeiru Ministru Taur Matan Ruak partisipa iha seremonia tomada da pose ba remoldasaun membru governu nain 4 (haat), no agradese ba membru governu sesante nain 4, ba sira nia dedikasaun ba estadu ida ne’e no empeñu ne’ebé hatudu ona iha tinan tolu ikus ne’e, ne’ebé kontribui barak ona ba rezultadu koletivu sira ne’ebé alkansa husi Governu.

Membru governu foun maka hanesan António Freitas, nu’udar Vise-Ministru Finansas, no Tiago Amaral Sarmento, nu’udar Ministru Justisa, Abel Pires da Silva, nu’udar Ministru Obras Públikas, no Júlio da Conceição “Loro Mesak”, nu’udar Sekretáriu Estadu ba Asuntus Kombatentes Libertasaun Nasionál.

Ajustamentu Ezekutivu maske implementa de’it iha tinan ikus mandatu Governu nian, bazeia ba kompromisu ne’ebé metin atu halo buat barak no halo di’ak liu tan, hodi atinje rezultadu di’ak sira iha meta no objetivu sira dezenvolvimentu sustentável nian ne’ebé asume husi Governu hamutuk ho sidadaun sira no país.

Remodelasaun ida ne’ebé akontese, bainhira ita hahú síklu foun Planeamentu no Orsamentasaun ba Tinan Fiskál 2023 nian, identifikasaun no realizasaun meta indikadora, objetivu no prioridade sira ne’ebé ezijente liu hodi avalia índise sira ba moris-di’ak no dezenvolvimentu umanu, saudavel no sustentadu liu.” Dehan Primeiru ministru Taur Matan Ruak iha nia diskursu ba ceremonia tomada da pose ba membru governu nain 4 (haat) ne’ebé hala’o iha palasiu presidensial,Dili 22/03/2022.

 Ho nivél kapasitasaun no koñesimentu ba ita-nia rekursu umanu sira di’ak liután, hodi kumpre objetivu nasionál ne’ebé boot atu transforma Timor-Leste ba país ida modernu, prósperu no seguru, ho padraun sira rendimentu nian ne’ebé justu, ekuitativu no dignu liu.

 “Ha’u aproveita oportunidade ne’e, hodi agradese ba Membru Governu sesante ba dedikasaun no empenhu ne’ebé hatudu ona iha tinan tolu ikus ne’e, ne’ebé kontribui barak ona ba rezultadu koletivu sira ne’ebé alkansa husi Governu, ha’u dezeja votu susesu di’ak ba nivel pesoál, familiár no profisionál.”hatete Primeiru ministru Taur Matan .

Taur hato’o agradesimentu kle’an ba membru Governu haat ne’ebé ohin simu pose, hodi renova konfiansa ne’ebé fó ba imi no fiar katak, imi bele ajuda Governu hodi rezolve dezafiu sira ba dezenvolvimentu nasionál ho forma inovadora, emprendedora, leál no konstrutiva.

Print Friendly, PDF & Email

LEAVE A REPLY

Please enter your comment!
Please enter your name here