Home Notisia Publiku Kritika Harii Uma Ba Deputadus, PPN: Laos Halo Uma ba Deputadus,...

Publiku Kritika Harii Uma Ba Deputadus, PPN: Laos Halo Uma ba Deputadus, Maibe Uma Estadu

4997
0
PPN Aniceto Guterres. [Foto: Santina Lucia da Costa | 18.08.2020]

“Se tinan ida 65 deputadus vezes (X)$5.400 dollar tinan ida, hamutuk $351.000, se osan ita investe tinan lima de’it mos bele halo uma ida ona. Uma naton laos uma lusu, uma naton para deputadus hela, deputadus sira mai husi munisipiu sira, nia uma laiha, nia vantajen ne’e barak liu, ida poupa osan, se deputadus hela ona iha uma ida ne’e, ne’e nia la hetan ona subsidiu ba alojamentu”. PPN

Relasiona ho planu atu konstrui edifisiu foun Parlamentu Nasional no rezidensia ba deputadi/a sira iha Hera, jornalista sira halo entrevista ho Prezidente Parlamentu Nasional (PPN), Aniceto Guterres iha palacio prezidensia, iha loron 17/08.

Ba jornalista sira Prezidente Aniceto hateten, uma ne’ebe halo ba deputadu sira, laos halo uma ba deputadu sira, maibe uma estadu nian, bainhira deputadu ida troka, deputadu foun bele hela fali ba.

“Problema okupa rai ne’e problema saida, sosiedade sivil kestiona tanba okupa rai, rai se nian, se rai estadu nian qual e problema, iha ne’eba ami la koalia harii uma deputadu/a, ami koalia edifisiu Parlamentu Nasional nian, edifisiu PN nian klaru iha laran, ne’e bele iha kompleksu boot ida, ne’e kompaun katak ne’e vizaun ba oin, vizaun kona-ba edifisiu PN nian, laos halo uma ba deputadu/a sira”, hateten Aniceto

Prezidente Parlamentu ne’e mos afirma katak deputadu/a kada fulan simu subsidiu alojamentu $450 ne’e katak tinan ida deputadu/a simu $5.400. 65 deputadus osan hira mak sai ona, ba subsidiu alojamentu, depois osan ne’e nia gasta ka lae, balun iha uma di’ak mos nia simu nafatin.

Nia dehan se osan hanesan ne’e ita poupa, halo investimentu halo deputadus ninia uma, iha ne’eba ne’e hela ba estadu, tanba deputadu nia mandatu hotu nia sai ona, deputadu foun mak ba hela fali.

“Se tinan ida 65 deputadus vezes (X)$5.400 dollar tinan ida, hamutuk $351.000, se osan ita investe tinan lima de’it mos bele halo uma ida ona. Uma naton laos uma lusu, uma naton para deputadus hela, deputadus sira mai husi munisipiu sira, nia uma laiha, nia vantajen ne’e barak liu, ida poupa osan, se deputadus hela ona iha uma ida ne’e, ne’e nia la hetan ona subsidiu ba alojamentu.” esplika Aniceto Guterres.

Tuir observasaun Neon Metin iha social media, publiku hahu fo Kritika relasiona ho harii ba uma ba deputadu sira, tanba tuir opiniaun publiku sedauk tempu hodi harii um aba deputadu sira, tanba povu barak mak sei moris mukit no kiak nia laran. Publiku ezije fo prioridade ba resolve problema social nian.

LEAVE A REPLY

Please enter your comment!
Please enter your name here