Home Saude 20 Janeiru, MS Kontinua Rejista Kazu Dengue Total 647 no Obitu Sae...

20 Janeiru, MS Kontinua Rejista Kazu Dengue Total 647 no Obitu Sae Ba 14

280
0
Ilustrasaun susuk dengue. [Foto: Copyright google | 20.01.2022]

Reportajen David da Costa Gusmao

Komunikadu Imprensa ne’ebé Neon Metin asesu Husi Ministeiru Saúde (MS) liuhusi Diresaun Nasionál  Saude Publika, Departamentu Vijilansia Epidemolojia rejistu kazu dengue hamutuk 647,  kazu dengue maioria iha Dili ho total 466 no akumulativu obitu na’in 14.

Situasaun kazu Dengue Iha Timor Leste, Ohin 20 Janeiro de 2022 kazu dengue hamutuk 647 no kumulativu, obitu nain 14 maioria kazu ne’e deteta husi Munisípiu Dili ho total 466 kazu, Ermera ho kazu 55, Baucau ho kazu 32,  Manatuto ho kazu 32, Covalima ho kazu 24, Manufahi kazu 19, Bobonaro ho kazu 7, Ainaro ho kazu 4, Viqueque 4, Liquica kazu 3, Aileu relata kazu 1.

Em jeral total Munisípiu 11 mak agora dadaun relata kazu dengue,”dehan iha komunikadu Imprensa, ne’ebe Neon Metin asesu iha Diresaun Nasionál Saude Publika no Departamentu Vijilansia Epidemolojia, Iha kinta 18/01.

Iha komunikadu ne’e esplika iha fulan Dezembru 2021 kazu komesa aumenta ho total 225, maibe iha fulan janeiro 2021 kompara ho fulan janeiro 2022 iha semana quarta kazu barak liu kompara ho kazu Janeiro 2021. Iha posibilidade kazu sei aumenta iha semana hirak tuir mai no iha fulan oin mai.

Nune’e iha Munisípiu Dili nafatin rejistu kazu ne’ebe aas iha Primeira semana – Quarta Semana fulan Janeiro 2022, ho total 466 kazu. Hare ba kada loron kazu aumenta bebeik husi Municipio Dili.

Tuir dadushusi MS katak idade mais afetadu idade menus husi 14 anos mai kraik ho grupu idade 5-14 ho 45,3% no daide 1-4 ho 35,4%. Ho ida ne’e Attack Rate (AR) idade 1-14 anos a nivel Nacional ho 0.12%.

Postu Administrativu Dom Aleixo relata kazu a’as liu husi Postu administrativu hotu ho total 224 kazu iha primeira semana – Quarta semana Janeiro 2022, hafoin tuir husi Postu Aministrativu Cristo Rei 92 kazu, Vera-Cruz 74 kazu no Nain-Feto 73 kazu.

Kazu obitu husi tinan 2020 ho total 10, iha tinan 2021 ho total 11 obitu. Iha Primeira semana fulan janeiro 2022 iha obitos nain 1 nebe’e relata husi Municipio Dili, no iha Terceira semana relata kazu obitus; Municipio Ermera nain 4, Ainaro nain 1 no Bobonaro nain 1 no Quarta semana relata obitos nain 2 husi Municipio Covalima no 5 husi Municipio Dili ho idane’e total Case Fatality Rate nivel nasional ho porsento 2,2%.

Distribuisaun kazu dengue tuir klasifikasaun mak Dengue Fever (DF) ho total 389 kazu,  Dengue Hemorrhagic Fever (DHF) ho total kazu 33 no Dengue Shock Syndrome (DSS) ho total kazu 44.

Nune’e apela ba populasaun iha Dili laran no mós iha Munisipiu sira seluk, atu aprezenta-an iha fasilidadepúbliku saúde (Sentru Saúde ka Ospitál) ne’ebé besik, wainhira sente isin-manas, ka  Senti laran sa’e,liman ain no sikun moras hodi bele hetan atendimentu husi profisionál saúde sira.

Print Friendly, PDF & Email

LEAVE A REPLY

Please enter your comment!
Please enter your name here